اتعرض عليا التمثيل وعرض قصة حياتي ورفضت.. أول تعليق من إيمي تاتو بعد وقف برنامجها بقناة الشمس
علقت إيمي، صاحبة أحد مراكز التجميل، والشهيرة بإيمي تاتو، على قرار وقف برنامجها على قناة الشمس، قائلة: الحمد لله والفضل كله لله قدر الله وما شاء فعل.
أول تعليق من إيمي تاتو عقب وقت برنامجها بقناة الشمس
وكتبت إيمي تاتو، عبر حسابها على موقع التواصل الاجتماعي فيسبوك: الحمد لله والفضل كله لله قدر الله وما شاء فعل.. هوة أنا بصراحة مش عارفة ليه حصل غضب على السوشيال ميديا، وخصوصا عند بعض الإعلامين، وخصوصا المبتدئين، الموضوع أخد أكبر من حجمه، الموضوع كله كان فقرة في برنامج بتقدمه مذيعة أصلا، اكتمال الموضوع أو نهيه ولا فرق معايا.
وتابعت إيمي تاتو: أنا قبلته بناء على طلب كثير من السيدات عن عرض بعض المعلومات والتجارب اللي تخص جمال المرأة وعلاقتها بالشعر والبشرة والتاتو.. أنا اتعرض عليه كتير من التمثيل والظهور في برامج وحلقات خاصة وعرض قصة حياتي وعلطول برفض لأني فعلا تركيزي كله على شغلي.
وأكملت: وده البرنامج الوحيد اللي قبلته لأنه خاص بفقرة عن المرأة اعتبرته كدردشة زي مبدردش على بيدج المطبخ أو التاتو، كبرتو الموضوع أووووى ودي معاها ودي معهاش، وهوه لا فارق عندي من أساس، أنا برفض أي عرض منتج كإعلان مع إن المكسب من وراه كتير، أنا برفض لقاءات كتيييير مع صحفيين وقنوات معروفة جدا وكمان بمقابل مادي.
وأردفت إيمي تاتو: أنا برفض دخولي في التمثيل مع إن كتير شجعني إني أقبل، وبرفض استغل بيدجاتي لأي نوع من الترويج أو زيادة الرتش، وكل شغلي تاتوهات والمطبخ كحب دردشة معاكم وليس أكتر.. مع احترامي طبعا لقناة الشمس وغيرها أنا أقدر على بيدج واحد من بيدجاتي مع أحلى فانز أوصلهم اللي عيزاه وتحت أمرهم في أي استفسار.
وواصلت: هناك العديد من الإعلامين المحترمين ومن النقابة ومن أعضاء التمثيل بوجه لهم الشكر، وأحب أوصل معلومة خصوصا للإعلامين المبتدئين اللي شنوا الهجوم وغيرهم.. حب الناس مش بيشترى بالفلوس، حب الناس ده من عند الله ولا بالشهادات ولا التدريبات، وأنا حب الناس ليا يسوى كنوز الدنيا، واستنوني بأحلى لايف اليوم بإذن الله.
وقف برنامج إيمي تاتو على قناة الشمس
في سياق متصل، أصدر المجلس الأعلى لتنظيم الإعلام، قرارا بوقف برنامج إيمي تاتو على قناة الشمس.
وأشار المجلس الأعلى لتنظيم الإعلام، في بيان، إلى أن قراره بـ وقف برنامج إيمي تاتو على قناة الشمس؛ صدر بعد أن تلقى المجلس، شكاوى كثيرة، حول خرق البرنامج للأكواد الإعلامية، ومخالفة شروط الترخيص الصادر للقناة، وتحويل المسؤول القانوني للتحقيق في المخالفات المنسوبة للقناة.
