مرتضى منصور عن تفويت المباريات: لا تعايرني ولا أعايرك الهم طايلني وطايلك
علق مرتضى منصور رئيس نادي الزمالك، على أنباء تفويت الأندية التي تواجه الفارس الأبيض في بطولة الدوري المباريات لصالح الزمالك.
وقال مرتضى منصور في تصريحات تليفزيونية: بطولة الدوري الممتاز في الملعب؟ ده كلام جميل مقدرش أقول حاجة عنه، لكن هل عماد النحاس باع الاتحاد للأهلي زي ما اتهموا عبد الحميد بسيوني إنه باع الماتش للزمالك؟
تصريحات مرتضى منصور
وأضاف رئيس نادي الزمالك: اتضايقت بسبب صورة مع تركي آل الشيخ، وعملت تخسيس نزلت بسببه 24 كيلو جرام، وتركي آل الشيخ قال إن أنا وأولادي بنتعامل معاه الند بالند وإدانا فلوس حطيناها في النادي.
وأردف منصور بـ: لو قلت عبد الحميد بسيوني فوت للزمالك هقولك علي ماهر وعماد النحاس فوتوا للأهلي، لا تعايرني ولا أعايرك الهم طايلني وطايلك.
وأكمل رئيس نادي الزمالك: هناك فريق خارج الخدمة وفريق داخل الخدمة، وبلاش نشكك يا خطيب في أي مدرب كان ينتمي للزمالك، وإلا هقول إن علي ماهر وعماد النحاس فوتوا المباريات للأهلي.
وأردف منصور: كرمت أمح رغم إنه أهلاوي صميم وأهلاوي أكتر من محمود الخطيب، وكل ما الأهلي يتغلب بيروح المستشفى مش بيطلع خطابات.
وواصل: من الطبيعي أن يتم تكريم أمح، لكن ليس منطقي أن يشتمني مدير الكرة، وتقول نزل الشتيمة في كل مكان، وبعدها تقول إحنا مش قلالات الأدب ولا لسانّا طويل.
وزاد رئيس الزمالك: مش هرد على محمود الخطيب لإني مركز في الدوري مع فريقي، وهرد بالفيديوهات بعدين، وبقدم عضويات عاملة مجانية لأصحاب القدرات الخاصة دون ما أعمل أي فيلم.
وحول أداء التحكيم قال مرتضى منصور: اتعمل فيلم على الحكام امبارح وإبراهيم نور الدين كان ناقص يطرد محمد مصيلحي النهارده ويطلعه بره الملعب.
وأضاف: إبراهيم نور الدين وقف الكرة بعد رمضان صبحي، ويمكن أنا أقول أنه حكم ملاكي لكن لن أقول هذا، ومن الوارد أن يخطأ الحكم، ولا بد أن نحترمه.
واختتم مرتضى منصور: مصطفى شوبير هيبقى أحسن من أبوه ولو كان في ماتش السوبر كان صد جون أيمن منصور.
