رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

كانت هتتكرم بمناسبة نجاحها.. والد سلمى فتاة الزقازيق: المتهم هدد خال وشقيق بنتي بالقتل

سلمي بهجت وإسلام
حوادث
سلمي بهجت وإسلام محمد
الخميس 18/أغسطس/2022 - 10:24 م

كشفت التحقيقات في قضية مقتل الطالبة سلمى بهجت فتاة الزقازيق، التي قتلت على يد زميلها إسلام محمد، تفاصيل ما أدلى به المتهم من اعترافات أمام جهات التحقيق.

قضية مقتل الطالبة سلمى بالزقازيق

ويواصل القاهرة 24 نشر نص تحقيقات قضية مقتل الطالبة سلمى بالزقازيق، حيث أمر المستشار حمادة الصاوي النائب العام، بإحالته إلى محكمة الجنايات المختصة؛ لاتهامه بقتل الطالبة سلمى بهجت عمدًا مع سبق الإصرار والترصد، وحددت جهات التحقيق جلسة 4 سبتمبر المقبل أولى جلسات محاكمة المتهم.

نص تحقيقات قضية مقتل الطالبة سلمى

وقال والد سلمى بهجت في التحقيقات بعد سؤاله عن اسمه، فأجاب: إسلام محمد زميل بنتي  كان بيهددها دايما وأنا قولت إن هي آخر سنة ومش هتروح تاني، ومش هيحصل ما بينهم تقابل فمعملتش محاضر، وأنا حسيت أن في علاقة عاطفية بينهم.

وتابع والد سلمي فتاة الزقازيق: أنا جالى تليفون من أبو إسلام وطلب يقابلني وخلصت صلاة في المسجد، وخرجت ولقيت بنتي جاية ولقيت واحد ماشي جنبها توقعت أنه أسلام، فناديت لبنتي ولقيت أبو اسلام ووالدته جايين وبيقولوا لي أنت والد سلمى، قولت لهم أه، فطلب إن احنا نتكلم سوا  وهما عرفوني بنفسهم وقالوا لي إنهم زعلانين من سلمى بنتى ووالد المتهم قالي لو سلمي دی بنتي كنت هقتلها فأنا عشان عايز أخد بنتى وأمشى فلقيت المتهم جاي وبيقولي أنا عايز أخطب بنتك وعمال يزعق ويشتم فأنا قولت لهم أنا همشي عشان ورايا شغل وخدت بنتي ومشيت. 

أقوال والد طالبة الزقازيق

وأكمل والد سلمى بهجت فتاة الزقازيق: بعدها محصلش تواصل مع والد اسلام، لكن الولد  اتصل عليا كذا مرة على التليفون، وأنا عملت له بلوك وكان بيحاول يتواصل مع بنتي سلمى، وأنا خدت منها شريحة التليفون وجبت لها شريحة جديدة، والمتهم وأبوه تواصلوا مع خال بنتي م. ز، وأخوها وخال بنتي قالي إن في واحد اسمه إسلام اتصل بيه، وقالي إنه عايز يخطب بنتي، وقالي إن أبو إسلام كلمه وعرفه بنفسه بس مش فاكر مضمون الحوار اللي حصل بينهم بالظبط، ولقيت أحمد ابني بيقول لي إن في واحد اسمه إسلام اتصل بيه وعرفه بنفسه وقاله عايز أشوفك فأحمد ابني قاله لما أنزل من الجيش،  لقيت إبنى بيقول لي إن إسلام بيبعتله رسايل على واتساب وقعدوا يتكلموا على واتساب، وإن اسلام كان بيبعت رسايل مضمونها تهديد لينا وأنا قولت له اعمله بلوك وعمله فعلا.

قضية مقتل طالبة الشرقية

وأردف والد سلمى بهجت بالتحقيقات: يوم الواقعة بنتي كانت رايحة الجريدة اللي كانت بتدرب فيها قبل كده، وعرفت من زوجتي والدة سلمي، أن أميرة صاحبتها كلمتها وقالت لها عايزة تشوفها وتتكلم معاها فهي استأذنت من والدتها، وراحت وهي كانت عايزة تروح عشان هينزل لها تهنئة من الجريدة وهتتكرم بمناسبة نجاحها لأنها نجحت بتقدير امتياز مع مرتبة الشرف، وهي كانت عايزة تروح وكانت مامتها رافضة في الأول عشان خايفة على تهديدات إسلام المتهم فأميرة طلبت منها إنها تسمح لسلمى تيجي معاهم في الجريدة وفعلا سمحت ليها.

تابع مواقعنا