الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

هدى المفتي: عرض 3 أفلام لي في العيد جاء بالصدفة.. ومحدش يقول لأ لتامر حسني

هدى المفتي
فن
هدى المفتي
الخميس 18/أغسطس/2022 - 11:39 م

تحدثت الفنانة هدى المفتي، عن أحدث أعمالها الفنية الأخيرة والنجاحات التي حققتها في موسم أفلام عيد الأضحى بمشاركتها في 3 أفلام؛ كيرة والجن وبحبك وعمهم، وذلك خلال لقائها ضمن برنامج معكم منى الشاذلي.

وقالت هدى المفتي خلال حوارها أن عرض الأفلام الثلاث في نفس الموسم لم يكن مخططا له من البداية، بل الأمر صدفة بحتة بعيدة عن أي ترتيبات، قائلة: مهما بنرتب الدنيا مابتمشيش زي ما إحنا عايزين بالذات في الشغل.. اللي حصل صدفة بحتة، أنا بقالي 3 سنين شغالة على فيلم (كيرة والجن)، وفيلم (عمهم) بنصور فيه من الصيف اللي فات وكان المفروض ينزل في رأس السنة ثم اتأجل لإجازة العيد الصغير ثم للعيد الكبير، وفيلم (بحبك) تامر حسني لما جالي بدأته على طول وأكيد مش هقول لأ لفيلم لتامر حسني.

تابعت هدي أنها بالأصل كانت تتوقع عرض كل فيلم في توقيت مختلف، وكانت تعتبرها فرصة جيدة حتى تستطيع الحصول على إجازة لفترة كبيرة، لكن ما حدث خالف كل توقعاتها، قائلة: الترتيب الأصلي إن كل فيلم كان هيبقى في موسم مختلف، بعدين لقيت بيكلموني إن الـ 3 أفلام نازلين مع بعض، في الأول خوفت عشان كنت عاملة حسابي إن هينزل فيلم كل فترة وأنا هريح في النص وأخد إجازة، لكن كلهم نزلوا في وقت واحد فأنا دلوقت معنديش حاجة خلاص.

وعن رد فعلها حول نجاح الأفلام الثلاث، أعربت هدى المفتي عن سعادتها من ردود فعل الجمهور على الأعمال ككل، وعلى أدوارها تحديدًا، موضحة أنها كان لديها تخوفات شديدة حول أدائها، وأنه قد لا يحبه الجمهور في أي عمل منهم، مضيفة: الأفلام التلاتة مختلفين وكل واحد فيهم تحس إن ليه جمهوره، وبصراحة التلاتة ناجحين أوي، قعدوا يقولوا لي أنتي حاطة في بطنك بطيخة صيفي وضامنة إيرادات العيد لكن أنا كنت خايفة إن الناس ميعجبهاش أي دور من الأدوار، كنت خايفة الناس متحبينيش بس الحمد لله.

تابع مواقعنا