رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

صاحبتها خطفت زوجها فتعدت عليها بالضرب.. الزوجة: نشرت صورتها عشان كان لازم أكسرها وأنا مش أول ست تعمل معاها كده

مروة رجب
كايرو لايت
مروة رجب
السبت 20/أغسطس/2022 - 09:10 م

أثارت سيدة تدعى مروة رجب من محافظة الإسكندرية، الجدل عبر موقع التواصل الاجتماعي فسيبوك الساعات الماضية، بعد تعديها بالضرب على صديقتها داخل مقر عملها، وذلك بسبب محاولة الثانية خطف زوجة الأولى، ولقيت مروة هجومها كبيرا عبر موقع التواصل الاجتماعي فيسبوك بعدما نشرت بوست تحدثت فيه عن الواقعة، وتعديها بالضرب على صديقتها داخل مقر عملها، فضلا عن نشر صورة لصديقتها محذرة منها المقربين منها. 

وردت مروة رجب، التي تعمل في مجال التصوير الفوتوغرافي، على الهجوم اللاذع الذي طالها بموقع التواصل الاجتماعي فيسبوك،  إذ قالت في بث مباشر عبر حسابها الشخصي: أنا أعرف الأستاذة معرفة شغل من سنة ونص من خلال عمل ماركتنج للكافيه اللي هي بتشتغل فيه، التواصل بيني وبينها كان شغل لكن بقينا أصحاب، كانت دايمًا حزينة وبتقول إنها مش مبسوطة، ونوهت مروة بشكل غير مباشر، أن صديقتها كانت تروي لها أنها تعيش حالة من الاكتئاب بسبب أنها تُحب رجل متزوج من امرأة أخرى، ونصحتها مروة أن تبتعد عنه ولا تتسبب في تخريب أسرة، ولكنها لم تعلم أنها ستكون الزوجة الأخرى التي تقوم معها بنفس السيناريو.

منشور فيسبوك 

 

 

موقع التواصل الاجتماعي

وأضافت: من حوالي شهر وبعد انتهاء الشغل بينا، كلمتني قالت لي والنبي متسبنيش أنا تعبانة خليكي جنبي، كنت بسمع لها بالفعل وأحاول أقويها وأقولها إن لسه الدنيا قدامك، لأن عندها 23 سنة يعني لسه صغيرة، في الوقت ده كانت عارفة جوزي لأننا كنا بنخرج نقعد في الكافيه.

مروة رجب وصديقتها

وتابعت مروة: قولت لها نخرج أنا وأنت وجوزي نقعد سوا في الكافيه، قالت لي ماشي ولو كده هاجي أبات معاكوا في البيت، طبعًا أنا عديت الكلمة عملت نفسي مش سامعاها، واحنا قاعدين فضفضت لجوزي بكل حاجة مخبتش ولا أي تفاصيل عليه، وبعدها جت تاني مرة عندي الأستديو كانت قاعدة ساكتة ولاحظت إن في حاجة غريبة لما شافت جوزي وبقت كلها سعادة بنفس الطريقة اللي كانت بتبقى سعيدة بيها مع الراجل الأولاني اللي سببت له برده مشكلة.

وأوضحت: بدأت تطلب من جوزي أنه يمرنها في الجيم، واستغربت لأنها كانت بتشوه صورتي قدامه بشكل غريب، ورغم إني وقفتها عند حدها، إلا أنها رجعت تاني تطلب منه أنه يهتم بيها بنفسه ويمرنها في الجيم، قررت إني أجبلها مدربين غيره يمرونها لكنها أصرت إن جوزي اللي يدربها، أنا كنت بدأت أتقفل منها وأحس أنها مش صاحبتي، إحنا مش صحاب.    

وتابعت: بعد المرة دي قررت إني أقطع علاقتي بيها، لأن جوزي قالي شكلها مريضة نفسيًا، لكنها فضلت تلاحقني كتير جدًا وأنا مكنتش برد عليها، لحد ما لقيت صاحبتي بتقولي أنا لقيت واحدة راكبة ورا جوزك السكوتر، ولما واجهته قالي إنها واحدة مريضة نفسيًا وأنا مكنتش عارف أقولك ايه، لحد ما لقيت أنها بتطارده دايمًا وبعتت له رقمها وقالت له أنا محتاجة أتكلم معاك أوي، وبدأت تخرج مع جوزي.

هنا اضطريت إني أروح لها مكان شغلها، في الأول اتكلمت معاها ووسط الكلام ضربتها بالقلم وسط الناس، وبعدين اختفت، وجم الإدارة بتاعت المكان وغلطوني إني دخلتها حياتي، قالوا لي هي بتتلزق في الرجالة المتجوزة، طب ليه؟ إنتي مشوفتيش مني غير كل خير، فتحتلك قلبي ودنيتي يا بنت الناس، كنتي بتقولي لي إن في زوجة تانية بتعاني منك، إنتِ كنتي عايزاني أعاني زيها.

واختتمت مروة: أنا ست مش ضعيفة وكان لازم أحط صورتها عشان أكسرها، لو كانت خدت 100 قلم على وشها مكانتش هتسيب جوزي، وأنا بقى كان لازم أقطع عرق واسيح دم، ونصيحة أوعوا تسمحوا لحد يدخل حياتكوا يبهدلها لكم.

تابع مواقعنا