محمد شاهين يكشف حقيقة إقامته في دبي وامتناعه عن العمل في مصر
كشف المطرب محمد شاهين حقيقة إقامته في دبي، بعد تداول بعض الشائعات أنه نقل إقامته من مصر إلى مدينة دبي.
كتب محمد شاهين عبر حسابه الشخصي بـ فيس بوك منشورًا، وقال: مساء الفل ياحبايبي الكلام كتير ومش عارف مين اللي له مصلحة أنه يقول كدة غير اللي قلبه فيه غل وحقد وخووف اه والله العظيم خوف جامد جدًا.
وأضاف محمد شاهين: وصلني كلام إن في بعض الناس بتقول أن أنا عايش في دبي، ومش بشتغل في مصر ده على أي أساس حسبي الله ونعم الوكيل في أي شخص جواه غل وحقد وبيطلع اشاعات وكلام فاضي علشان يوقف أكل عيشي.
واختتم شاهين حديثه: أنا بسافر وبرجع بلدي وبشتغل في مصر وبره مصر، ومقدرش أعيش في بلد غير أم الدنيا أنا أسف طولت في الكلام عليكم، يارب الواحد بيسمع ويشوف العجب.
آخر أغاني محمد شاهين
تعد أغنية الدروس المستفادة آخر الأغاني التي طرحها محمد شاهين عبر موقع يوتيوب، والأغنية من كلمات سلمى رشيد وألحان وليد سامي وتوزيع إسلام شيتوس.
وجاءت كلمات الأغنية كـ الآتي: ياللي سويتوا الهوايل بس عشان توصلولي كنتوا متكاترين عليا وكنت أنا واقف بطولي، مش في طبعي أخيب وأحايل راضي، وأنا ثابتين رجولي لما كنتوا في ضهري شوكة عمري، ما اتوجعت بيها ناس بتاكل بعضها والسم فيها فين وشوشكوا وأصلها لية أنا مش لاقيها عند فيها أنا عمها وكاسر عينيها شافوا مني الحلو كله اخدوا خيري وكان زيادة من النواقص.
