جمال ياقوت: استمرار مهرجان القاهرة للمسرح التجريبي في الظروف الاقتصادية التي يمر بها العالم معجزة
تحدث الدكتور جمال ياقوت، عن تفاصيل الدورة الـ 29 لمهرجان القاهرة الدولي للمسرح التجريبي، مشيرا إلى أن استمرار المهرجان في ظل الظروف الاقتصادية التي يمر بها العالم هي معجزة، على حد قوله.
وقال جمال ياقوت، خلال المؤتمر الصحفي الخاص بالمهرجان والذي أقيم اليوم في المجلس الأعلى للثقافة: فكرة إن المهرجان يستمر في ظل الظروف الاقتصادية اللي بيمر بيها العالم دي معجزة، الميزانية التي منحتها لنا الدولة لا تتحمل تكاليف مهرجان المسرح، وفيه ممول.
وتابع جمال ياقوت: إحنا بنتعذب.. في قنوات معينة مش عايزة تيجي علشان مفيش نجوم، الحقيقة إن في كارثة في تمويل مهرجانات المسرح، بتوازي كارثة اشتغال النجوم في عروض المسرح، في نجوم عايزة تاخد كام مليون في مسلسل بدل ما تؤدي عروض في مهرجانات المسرح، مفيش حد بييجي ومفيش حد عايز يعمل حاجة، أنا بلوم بشكل علني كل نجم يقدر يقف على خشبة المسرح ومش بيعمل كده، ممكن يكون خايف يتكشف.
وأضاف: أنا النهاردة جايب 14 عرضا من برا ومموت نفسي، إحنا اشتكينا واتذلينا ومفيش حد عايز يعمل حاجة، بنحاول ندور على نجوم تؤمن بفكرة المسرح وتاخد بـ إيدينا.
ومن ناحية أخرى، حرص عدد كبير من الفنانين والشخصيات العامة على حضور المؤتمر الصحفي لمهرجان القاهرة للمسرح التجريبي من بينهم الفنان محسن منصور بجانب سعيد قابيل مدير المهرجان والذي كشف عن تفاصيل فعاليات مهرجان القاهرة للمسرح في الفترة المقبلة.
