أفشة يعاتب شوبير على تصريحاته.. ويوضح حقيقة العرض التركي للرحيل عن الأهلي
كشف الإعلامي أحمد شوبير، حقيقة رحيل محمد مجدي أفشة، صانع ألعاب الفريق الأول لكرة القدم بالنادي الأهلي إلى أحد الأندية التركية خلال فترة الانتقالات الجارية، وآخر تطورات إصابته الآخيرة وموعد عودته للمشاركة في التدريبات.
شوبير يكشف حقيقة رحيل أفشة عن الأهلي.. وتفاصيل جديدة عن إصابته
وقال شوبير خلال تصرحات إذاعية: أفشة كان بيكلمني إمبارح، وقالي ياكابتن أنا كان ليا عتاب عندك، لأنك قولت إني أتأخرت في إجراء العملية، فحابب أوضحلك.. أنا كان عندي فتق يمين قبل ما آجي الأهلى وعملته، وبعدها جالي الفتق الشمال، وبلعب بقالي 5 شهور وأنا بتقطع ومقدرش أقول للنادي.. لا عشان الظروف اللي فيها، وبقالي 3 سنين مخدتش إجازة، فقلت آخد إجازة 15 يوم وبعدين أعمل العملية، وده اللى حصل، وهفك السلك اليوم الاثنين، وأبدأ الجري من بكرة بشكل عادي.
وعن العروض التي يمتلكها الأهلي، وإمكانية رحيله؛ أوضح شوبير: أفشة قالي إن فيه عرض تركي بالفعل، ووكيله بيتناقش فيه مع مسئولي الأهلي، بس لو الأهلي رفض.. قالي نصا: مقدرش أقول للأهلي لأ.. أنا كنت عندك في برنامجك، وقولتلك حلمي أني ألعب في الأهلي، لكن لو الأهلي رحّب بالعرض.. يبقى لازم أشوف أكل عيشي.
وأضاف شوبير: أفشة قالي أبويا بيخاصمني لما الأهلي بيخسر، وبيكون يوم نكد علينا كلنا، وأفشة كمان لمّحلي إن ممكن يكون في تمديد تعاقد لعقده مع الأهلي الفترة الجاية.
