خالد الجندي: ألَّفت كتابًا للرد على ظواهر تنال من ثوابت الوطن والدفاع عن تحية العلم والسلام الجمهوري
قال الشيخ خالد الجندي عضو المجلس الأعلى للشئون الإسلامية، إن لديه كتابا ألَّفَهُ، اسمه: أحكام تهمك، مشيرا إلى أن سبب تأليفه له؛ هو الرد على بعض الظواهر التي انتشرت وتنال من ثوابت الوطن.
وأضاف خالد الجندي، عضو المجلس الأعلى للشئون الإسلامية، خلال حلقة اليوم من برنامج لعلهم يفقهون، والمذاع عبر فضائية dmc: الكتاب يرد على الهجوم على ثوابت الوطن، ومنها: التجنيد، وتحية العلم، وطبعا ده شغل أعداء الوطن، وأدينا شايفين الدول اللى حوالينا، بدون ذكر أسماء، بتتخطف وتتفسَّخ، وتتحول المعارك بين أبناء شعبها، وبيحاربوا بعض بجميع أنواع الأسلحة؛ وذلك لأنهم محرومين مما نحن مستمتعين به، وهو رئيس وطني صادق، يعمل من أجل الوطن والشعب.
خالد الجندي: أعداءنا بيحاربونا ومش عاوزين يكون عندنا جيش قوى يحمينا
وتابع خالد الجندي، عضو المجلس الأعلى للشئون الإسلامية: أعداءنا بيحاربونا، ومش عاوزين يكون عندنا جيش قوي يحمينا، عشان كده عملت الكتاب ده وتحدثت فيه عن تحية العلم والوجه الشرعي، والسلام الجمهوري، والتجنيد في القوات المسلحة والشرطة.
وفي حلقة سابقة، حذر خالد الجندي، مما وصفه بـ نعرة جاهلية كاملة في قلوب البعض، تُحرك وتؤجج صراعات ومِحَن بين الناس، قائلا: حضرتك فرحان لفوز نادٍ من النوادي، ده حقك، إنما بتعاير النادي التاني ليه؟، لا أنت درَّبت مع المدربين، ولا أدرت النادي مع المديرين، ولا أنفقت عليه مع المنفقين، ولا أنت جبتلهم لبس أو تي شيرتات، أنت ملكش دخل في حاجة، أنت بتتفرج كده وفاتح بوقّ حضرتك، وليس لك أي دور في الموضوع غير إنك بتشجع، وماعملتش حاجة، فـ ليه بتعاير صاحبك اللي فريقه لم يفز ليه؟.
