السبت 20 أبريل 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

عبير صلاح الدين: جالي اكتئاب واتظلمت.. ومحمد صبحي حاربني

عبير صلاح الدين
فن
عبير صلاح الدين
الخميس 08/سبتمبر/2022 - 09:35 م

روت الفنانة عبير صلاح الدين الشهيرة بعبلة وهي الشخصية التي جسدتها في مسلسل يوميات ونيس، تفاصيل معانتها  وسبب ابتعادها عن الوسط الفني لعدة سنوات، بجانب الحديث عن خلافها مع الفنان محمد صبحي.

وقالت عبير صلاح الدين خلال لقاء تلفزيوني في أول ظهور بعد عودتها من كندا إلى مصر، إنها رفضت أن تستكمل تصوير باقي أجزء مسلسل ونيس لأنها شعرت أنها لا تقدم جديد، قائلة: من حقي كممثلة أرفض الدور لو مش حاسة أني هقدم جديد، وأنا مش هحرق الشخصية بعد نجاحها، لأني فنانة بحب فريق العمل والمصداقية عندي أهم شيء، وما كنتش قادرة أعمل كده لأن الممثل مش آلة هتدوس على زراير يشتغل لأ لازم يكون في إحساس.

وأضافت: زملائي الفنانين قالوا لي كده مش هتشتغلي وهتعقدي في البيت، لكن أنا قلت الرزق بتاع ربنا وحاولت كتير لكن كل البيبان كانت متقفلة، لحد ما جالي اكتئاب خمس سنين من 2010 حتى 2015 وكل المحطات بتتقفل في وشي.

وأشارت عبير صلاح الدين، إلى أنها تعرضت للظلم وتم محاربتها لأنها رفضت أن تستكمل باقي أجزاء مسلسل ونيس وتشارك في الجزء السابع، قائلة: من هنا حاربني محمد صبحي لأني قلت لا.

محمد صبحي حارب ناس كتير 

وواصلت عبير: محمد صبحي حارب نجوم غيري كتير ولو لاحظنا هتلاقي إن الناس اتغيرت في مسلسل عائلة ونيس من أول جزء لـ الجزء السابع؛ ودا لأن اللي بيقول لا أو بيزعل محمد صبحي بيموته في الموسم اللي بعده وبيسفره.

وأضافت عبير صلاح الدين: الناس حذروني ونصحوني اعتذر لـ محمد صبحي عشان ما أقعدش في البيت، ولكني مش ندمانة ومش هعتذر لأني مغلطتش ودا حقي كـ ممثلة إني أقول لأ.

واستكملت: وبدأت أحس بحاجة من نوع أنا االلي عملتك من غير ما تحسي، ويمكن التجربة دي خلتني اعيد تفكيري في حاجات كتير وحاولت اعمل مسلسل إذاعي مع عبدالله زي تامر وشوقية وقلت مش هطلع في التلفزيون لكن عبدالله ما كملش معايا من أول حلقة.

ويذكر أن، مسلسل عائلة ونيس ضم عددا كبيرا من الفنانين، أبرزهم سعاد نصر، فادي خفاجة، سامح صفوت، ريم أحمد، هدى هاني، جميل راتب، وعايدة عبد العزيز.

تابع مواقعنا