الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

طارق مدكور عن شيرين عبد الوهاب: حالتها النفسية في السماء.. ومن المرجح تعاونها مع سميرة سعيد

شيرين عبد الوهاب
فن
شيرين عبد الوهاب
الجمعة 09/سبتمبر/2022 - 08:22 م

كشف المنتج والموزع الموسيقي طارق مدكور، تفاصيل ألبوم الفنانة شيرين عبد الوهاب، الجديد مؤكدًا إنها تعمل بنشاط كبير خلال الفترة الحالية لكي يخرج ألبومها بشكل ينال إعجاب جمهورها بعد غيابها الطويل.

وقال طارق مدكور، خلال حوراه مع برنامج ET بالعربي: حالتها النفسية في السماء ومتفائلة جدًا ومبسوطة ونشيطة جدًا بشكل غير عادي، كل يوم فيه جلسات عمل وبنسمع أغاني وبنختار وبرنروح الأستوديو وبنجرب صوتها ينفع على الأغاني ولا لأ، فيه ورشة عمل شغالة دلوقتي وإن شاء الله تطلع بنتيجة حلوة أوي، إن شاء الله بنجهز لألبوم مختلف وفيه أفكار جديدة وأغاني حلوة، وترجع شيرين للساحة بحاجة مميزة ومختلفة.

وجود نية للتعاون بين شيرين والديفا سميرة سعيد

وأضاف كاشفًا عن مجموعة الشعراء والملحنين الذي تتعاون معهم شيرين في ألبومها الجديد، قائلًا: معانا حوالي 6 أو 7 أغاني لغاية دلوقتي في حيز التنفيذ، كلمات شعراء كبار زي أيمن بهجت قمر، وأمير طعيمة، وألحان وليد سعد، وعزيز الشافعي، وعمرو مصطفى، ونادر حمدي كموزع، وأحمد إبراهيم، وأحمد عادي، والنابلسي، دي الأسامي اللي موجودة حاليًا مكلفة بتنفيذ الأغاني وأنا معاهم.

كما تحدث الموزع طارق مدكور، عن الفيلم السينمائي الذي أعلنت عنه شيرين، في الفترة الماضية قائلًا: بالنسبة للسينما دي حاجة محطوطة في التخطيط ولكنها مش الخطوة اللي جاية على طول، الأهم إننا ننجز الألبوم اللي المفروض إننا شغالين فيه، وننزل بيه في وقت قريب إن شاء الله ومستواه يعجب الناس.

وأشار طارق مدكور، إلى وجود نية للتعاون بين شيرين والديفا سميرة سعيد، قائلًا: زيارتها لـ سميرة سعيد كانت زيارة أصدقاء لبعض مش أكتر، وطبعًا قعدوا يتكلموا كلام ستات أنا مفهمش فيه والزيارة كانت لطيفة، وفكرة التعاون بين شيرين وسميرة سعيد قائمة، واتكلمنا فيها بس لازم نلاقي الأول الوضوع المناسب اللي نعمل بيه دويتو، الكلام يكون فيه محادثة بين الشخصيتين أكنها تمثلية كل واحدة تمسك شخصية ويكون فيه حوار بينهم وفكرة في اللحن ويكون فيه موضوع مهم مش أي أغنية تتغنى وخلاص.

أما عن مصالحة شيرين للهضبة عمرو دياب، فعلق طارق مدكور، قائلًا: شيرين وعمرو دياب، أصحاب من زمان والغلطة اللي حصلت كانت سوء تفاهم مش أكتر، وهي قررت إنها تصلح كل حاجة وأي زعل مع حد قريب منها وترجع العلاقات مع كل الناس بطريقة كويسة.

تابع مواقعنا