دخلت السجن ظلم وغلطت في تربية بنتي.. أبرز تصريحات نهى العمروسي
حلت الفنانة نهى العمروسي ضيفة على أحد البرامج التليفزيونية، وتحدثت عن أبرز الأزمات التي تعرضت لها في حياتها، وأسباب دخولها السجن، وأزمة ابنتها الشهيرة، كما كشفت عن رأيها في الزواج، ونستعرض لكم أبرز تصريحات نهي العمروسي.
أبرز تصريحات نهى العمروسي
- أنا مش بعيدة عن الفن لكن بيتعرض عليا أعمال قليلة ووحشة.
- رفضت كتير من الأعمال لأنها مش قيمتي.
- قررت أبتعد عن التمثيل لأني مش عايزه أهزأ نفسي.
- مش فارق معايا حد يقدَّر مسيرتي الفنية.. المهم إني مقدَّرة نفسي.
- اتربيت على الحرية.. وبنتي مش عاوزه تقرب من الوسط الفني.
- بنتي خرجت من قضية الفيرمونت بمساعدة ربنا.. وربنا يكون في عونها.
- غلطت في تربية بنتي في حاجات كتيرة.. وبلغتها ازاي باباها مات بطريقة سيئة.
- كانت بتدوَّر تحت الكنب على والدها.. فقلت لها طلع السما.. قعدت تضحك ضحك السنين.
- أنا اتظلمت، ودخلت السجن، وعملولي تحاليل، وطلع إني مش بشرب مخدرات ولا سجاير.
- ما حدش ظلمني.. أنا اللي جبت لنفسي مصايب سودة.
- كنت بهزر مع صاحبتي وقلت لها: القبض على نهى العمروسي مع مجموعة شباب.. وبعدها بشهر نفس المانشيت ده اتكتب في الجرايد.
- قلت لـ كاملة أبو ذكري: أنا مهتمة أوي بحياة السجن.. وبعدها اتحبست فعلًا.
- تجربتي في السجن كانت مهمة جدا.. واستفدت منها واتعرفت على ناس كتير كويسة.
- تعرضت لشائعات عديدة بعد خروجي من السجن.. أشهرها: إني بشرب مخدرات.
- الجواز يِنَدِّم، خاصة في مجتمعاتنا الشرقية؛ لأن عندنا ذكورية زيادة عن اللزوم.
- أسعد لحظة في الجواز هي الطلاق، دي حكمة مِنِّي في مجتمعنا.
