الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

شاهد على واقعة هتك عرض معلمة من مدير مدرسة: شوفته وهو بيحضنها وبيطلب منها علاقة جنسية| تحقيقات

هتك عرض معلمة - ارشيفية
حوادث
هتك عرض معلمة - ارشيفية
الثلاثاء 20/سبتمبر/2022 - 05:00 م

اتهمت سيدة تدعى: ن. ح - معلمة متطوعة، مدير مدرسة خاصة في الجيزة، يدعى: أ.أ، بالتحرش بها، وطلب رشوة جنسية لنفسه، ووقف قيدها بالمدرسة؛ لحين الرضوخ لطلباته الجنسية وتهديدها.

هتك عرض معلمة من مدير مدرسة

واستمعت جهات التحقيق إلى أقوال أحد شهود العيان على الواقعة، وهو معلم بالمدرسة يدعى خ. أ، كان يراقب الواقعة عن بعد، حتى يتأكد من اتهام المعلمة للمدير بمحاول هتك عرضها، وجاءت أقوال كالآتي:-

قال خ.أ ويبلغ من العمر 56 سنة، بصفته شاهد الإثبات على واقعة هتك عرض معلمة من مدير مدرسة بالجيزة: أنا أعمل معلم أول بالمدرسة، واللي حصل إني كنت مسؤول عن شؤون العاملين، وليا مكتب بغرفة بمكتب المدير المتهم المدعو أ.أ وأنا أعرف عنه إنه اتنقل للمدرسة لسوء سلوكه في المدارس اللي كان بيشتغل فيها، وأنا باعتباري زميله نبهت عليه كذا مرة لو عاوز يعمل حاجة يعملها بره المدرسة، وإنه حر بعيد عن المدرسة، واتفقنا على كده وكان المجني عليها الأستاذة ن، ضمن الأساتذة المتطوعين بالمدرسة، وكانت لما تدخل المكتب كنت بمشيها هي والمتطوعين عشان ميحتكش بيهم، وأقولهم أنا همضي لكم عشان ما يعرفوش طبيعته.

تابع: مرة كان بيتكلم معها عن الأوراق بتاعتها وبعت للأستاذ جون يقعد مكانها لحد لما تخلص ورقها، وبعد فترة لقيتها طلعت لي فوق قالت لي إن المدير قال لها إن الورق بتاعها ده كله ممكن يعلي لها نسبة من المجموعة، ويجيب لها موافقة تقبض بالأجر على أساس توافق على طلباته الجنسية، وهي قالت له إنها زي بنته، وأنا قولت لها اطلعي على وكيل الإدارة الأستاذ ع، وكيل إدارة العمرانية واحكي له اللي حصل، وراحت له وكان الرد بتاعه هاتی دليل، ورجعت لي تاني يوم، وقالت لي على اللي حصل في الإدارة، قولت لها بيتي سجلي له بالتليفون، وأنا هتابعك.

وأضاف الشاهد على واقعة هتك العرض: في اليوم ده كنت واقف في الطرقة والطرقة فيها شابك يطل على غرفة المدير له زجاج اكليرك مش بيوضح الصورة، وأنا وربت الشباك عشان أشوف ايه اللي بيحصل ومتابع، وببص لقيته ماسكها من منطقة حساسة، وضمها ليه، وكان معايا زميلي وكان هيزعق، وأنا منعته عشان محدش يحس منهم، وهي طلعت من عنده بعدها، وقالت لنا إنه طلب منها تروح له غرفة فاضية، عشان العلاقة الجنسية، وهيطلع مكانها الأستاذ جون، وأنا قولت لا متنزلیش وكفاية كده، وتحججي إن ابنك تعبان، واطلعي على الأستاذ علي بالتسجيلات اللي معاكي، لأنها سجلت له الكلام ده على تليفونها.

اختتم: الأستاذة ن سبقت وقابلت مدير عام الإدارة ووكيل الإدارة الأستاذ علي، وسلمته التسجيلات وكتبت مذكرة وطلع قرار للمدير اللي عمل كده بالاستبعاد لديوان عام الإدارة، وعملت محضر في القسم وهو ده كل اللي حصل.

وحددت محكمة جنايات الجيزة، جلسة 25 سبتمبر الجاري، كأولى نظر جلسات محاكمة مدير مدرسة ابتدائية في العمرانية، متهم بهتك عرض معلمة، وعرض رشوة جنسية عليها وتهديدها.

تابع مواقعنا