رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

فاروق فلوكس يشكو من ابتعاده عن الفن: المنتجين بيخافوا يجيبوني وبيقولوا هيطلب فلوس كتير | خاص

فاروق فلوكس
فن
فاروق فلوكس
الأربعاء 21/سبتمبر/2022 - 11:17 ص

كشف الفنان فاروق فلوكس، أسباب ابتعاده عن مجال التمثيل خلال الفترة الطويلة الماضية، مؤكدًا أنه لم يعرض عليه أعمال من قبل المخرجين والإنتاج.


وقال فاروق فلوكس، في تصريحات لـ القاهرة 24، إن مجال الفن دائما يكون عرض وطلب، مشيرًا إلى أنه لم يعرض عليه أعمال فنية منذ فترة.

تصريحات فاروق فلوكس 


وتابع فاروق فلوكس: واللي بيشتغل حاليا الفنانين الشباب؛ لأن هيطلبوا فلوس بسيطة، وده بالنسبة للمنتج حاجة كويسة أوي، لكن اللي زي حالتنا وكبار في السن بيخافوا يطلبونا؛ لأن المنتجين بيقولوا هيطلب فلوس كتير.

وأضاف فاروق فلوكس: الطقوس القديمة في اختيارنا للأعمال الفنية متنفعش دلوقتي، إحنا اتعودنا لما بنروح نمضي عقد بنشوف السيناريو سواء كان فيلم أو مسلسل، والدور لو عجبني بمضي معجبنيش بعتذر ده مبقاش موجود، وبندخل العمل حاليا وإحنا مش عارفين السيناريو بيقول إيه، النظام ده ممكن يريح ناس وممكن لناس تانية ميبقاش كويس.


واستكمل فاروق فلوكس: صعب أشتغل في الوضع ده، أنا لازم أكون ملم بالعمل وأعرف تفاصيل المسلسل أو الفيلم.

كما تطرق فاروق فلوكس للحديث عن الفن حاليًا ومعايير اختلافه عن فترة الستينات، موضحا: الفن اختلف كتير عن زمان من حيث لغة الحوار التي أصبحت غير راقية، وأصبح في ألفاظ في العمل ولغة مستخدمة ملهاش معنى، وطريقة الكلام بقى الشباب الصغير تقلده.

وأردف فارق فلوكس: زمان الأعمال الفنية التي تعرض في الحي الشعبي، كان لا يوجد بها ألفاظ ولا استخدام الأسلحة، لازم نرتقي بالجيل الموجود ويتقوا الله في شباب مصر.

واختتم فاروق فلوكس: هناك أيضا العديد من الأعمال الفنية الجيدة؛ بسبب وجود فنانين عندهم إحساس بالمسؤولية تجاه الجمهور منهم نيللي كريم، منى زكي، أمينة خليل وطارق لطفي، بيعملوا القصة بشكل نضيف ميأذيش روية المتلقي.

تابع مواقعنا