رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

عواطف حلمي بعد تكريمها في مهرجان القاهرة للدراما: كنا مهمشين وماحدش يسمع عننا

عواطف حلمي
فن
عواطف حلمي
الجمعة 23/سبتمبر/2022 - 07:14 م

عبرت الفنانة عواطف حلمي عن سعادتها الكبيرة بتكريمها اول أمس من مهرجان القاهرة للدراما في دروته الأولى، إذ حرص المهرجان برئاسة الفنان يحيى الفخراني على تكريم بعض الفنانين المنسيين، تقديرًا لما قدموه من أعمال فنية حققت نجاحًا كبيرًا في تاريخ الدراما.

وقالت عواطف حلمي في تصريحات لـ القاهرة 24: سعيدة جدًا بتكريمي، لأن دي أول حاجة تحصل للفنانين أصحاب الأدوار التانية لأننا كنا مهمشين وماحدش بيسمع عننا حاجة، وقبل الفيس بوك لو حد مات ما حدش هيعرف غير بعد مدة كبيرة، فتكريمنا في المهرجان أعطى لنا حقنا.


وأضافت: ماليش في المهرجانات لأنها ليها ناس معينة، فكتر خير دكتور أشرف زكي أنه فكر فينا، وأنا راضية باللي قدمته في مشواري الفني وجميع أعمالي وأدواري حتى لو كانت جملة واحدة.

وتابعت: مفيش حد بيسأل على حد لأن كل واحد غصب عنه عنده ظروف، على عكس زمان، حاليًا كل واحد في حاله ومفيش تواصل، والمنتج عنده الصحبة بتاعته وكذلك المخرج، وأنا خارج المجموعة دي وماليش اتصالات بمخرجين ومنتجين وشركات إنتاج أنا بعيدة، بعمل العمل وأجري وماليش صلة بحد وراضية عن نفسي، وكل دور بكون مستعدة ليه وحفظاه كويس ولما بدخل الاستديو مش بعطل حد نهائي.

وأردفت: سعيدة جدًا بمكالمة الإعلامية والفنانة صفاء أبو السعود بيا بعد بتكريمي في المهرجان، هي بنتي ولم تحضر المهرجان، وبعتت لي رسالة جميلة سعيدة بيها جدًا لأنها افتكرتني لأني شاركتها في أعمال كتير.

تابع مواقعنا