الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

جوزي بعتني أجيب سجاير رجعت لقيته قاتل بنته.. ماذا قالت والدة فتاة أوسيم في التحقيقات؟

قتل - تعبيرية
حوادث
قتل - تعبيرية
الإثنين 26/سبتمبر/2022 - 09:59 م

أقدم أب على قتل ابنته بمنطقة أوسيم بالجيزة، فور علمه بولادتها جنينا لا يعرف من والده، واكتشف عقب ذلك تعدد علاقاتها غير الشرعية مع عدة أشخاص، واتهمت أحدهم فزوّجها له رغما عنه، ثم نما إلى علم الزوج أن المولود يعود لشقيقها حسب اعترافها له، فأخبر والدها مما دعاه لقتلها.

اعترافات والدة فتاة أوسيم

وجاءت أقوال والدة الفتاة كالآتي: اللي حصل إني من حوالي شهرين لقيت بنتي تعبانة وجسمها عمال يزيد، فقولت لأبوها إن البنت تعبانة قالي روحي بيها للدكتور، والدكتور قالي إن البنت حامل، فرجعت البيت وقولت لأبوها راح أبوها ضربها وهي ساعتها اعترفتله على الأشخاص اللي عاشرتهم معاشرة الأزواج، وقالتله إن هما كل من صاحب جوزي وكان شغال معاه على توكتوك، وابن أخويا وابني اللي هو أخوها.

وأضافت والدة الفتاة: بنتي قالت إن صاحب والدها هو أول واحد نام معاها، وبعدها أبوها راحله علشان يشوف إيه اللي حصل، وبعد كده راح عند أبويا وأبويا بعت جاب صاحبه، وكتب على البنت عرفي عشان البنت 15 سنة، وبعد كدة راحت بيت جوزها شهر وفضل يضربها لحد ما جات بيت جدها.

وأضافت والدة الفتاة: بعد فترة خلفت وكنا بنحاول نوصل لجوزها مش عارفين نوصله، لحد ما فوجئت إمبارح بأبوها جالي عند بيت جدها في طناش وطلب مني سجائر وعصير وأنا روحت أجيبله السجائر والعصير، ومكنش في حد موجود صاحي في البيت غير أنا وبنتي وكان أخويا وأبويا نايمين في الأوضة جوه.

واختتمت والدة الفتاة لما رجعت لقيت جوزي ماسك في إيده سكينة من بتاعت المطبخ كلها دم، ولقيت البنت مرمية وغرقانة في دمها، روحت صحيت أخويا وأبويا ساعتها علشان نشوف إيه اللي حصل، وساعتها قالوله إيه اللي انت عملته ده، قالهم اهو ده اللي حصل، عشان البنت بتقولي إن ابن خالها الثاني نام معاها برضو، وراح واخد تليفون أخويا واتصل بالحكومة، وجت الحكومة قبضت عليه وده كل اللي حصل.

تابع مواقعنا