رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

بحبك وهقتلك.. ننشر أقوال المتهم بتهديد خطيبته في حدائق القبة | خاص

المتهم
حوادث
المتهم
الإثنين 26/سبتمبر/2022 - 07:11 م

اتهمت فتاة، تدعى ب.ص 24 سنة، مقيمة بحدائق القبة، الشاب أ.م، 24 سنة، يعمل فني صيانة بإرسال تهديدات لها بالقتل والانتقام منها بعد انفصالها عنه.

 

وتداول رواد موقع التواصل الاجتماعي فيسبوك، تسجيلا صوتيا تضمن استغاثة الفتاة من قيام شخص بتهديدها وابتزازها والتوعد بإلحاق الأذى بها لتقوم مأموريات أمنية بجهود مكثفة لضبط الشاب.

اعترافات المتهم بمحاولة قتل خطيبته في حدائق القبة

 وبمواجهته اعترف بارتكاب الواقعة وعلل ذلك لسابقة تقدمه لخطبتها ورفض أهليتها وجاءت أقواله كالتالي: اللي حصل إني أنا وب.ص 24 سنة ارتبطنا وكنا بنحب بعض وقرينا فاتحة وقربنا نتخطب، وبعدين بدأت أنزل صورنا على النت وبدأت الناس تعرف وناس دخلت وتقولي بلاش البنت دي لأنها مش كويسة وبعدين بدأت أصدق الموضوع ومن هنا بدأت الخلافات والمشاكل بينا وشدينا في الكلام مع بعض وبعدها سبنا بعض وبعد كدة كل فترة والثانية بخش أبعت لها رسائل وأتصل بها في التلفون ساعات بشتمها وأهددها وساعات تانية كنت بقولها نرجع لبعض".

 

وتابع المتهم: أنا كنت عايز بأي طريقة نرجع لبعض تاني سواء كان بالحنية أو بالتهديد وأنا كنت حاسس إن هي هتبعد عني ومش هترجع تاني وأن أهلها رفضوني وبعدها أتكلمنا فيديو كول مرة ولما كنا نتكلم عادي بدون مشاكل خدت لها سكرين شوت من الفيديو كول لما كنا بنتكلم على الماسنجر وقفلنا المكالمة من غير مشاكل".

 

وأضاف المتهم: "وبعدين مرة واحدة هي كانت بتعمل بلوك من كل حتة عشان كنت بكلمها من أرقام مختلفة وببعت لها رسائل بالتهديد وكمان كنت ببعت لها الصور اللي أنا أخدتها سكرين شوت وهي مكنتش بتستجيب لتهديداتي ومرجعتش ليه وأنا كنت بهددها بس ولكن عمري ما فضحتها ولا نفذت أي حاجة من الكلام اللي كنت بقوله لها سواء كان على الرسائل أو المكالمات اللي بنا وفي يوم طلعت البيت عند خطيبتي لاقيت أبوها وأمها وقعدت أزعق وأشتم وبعدها لما هما قالوا هيكلموا الشرطة أنا جريت عشان مش عايز مشاكل ليها وبعدها كلمتي باليل وقعدنا نتعاتب واتفقنا إننا هننزل نفطر مع  بعض تاني يوم الصبح ورحت ليها عند أختها عشان أخدها ونروح نفطر ولما شوفتها في الشارع قربت ليها عشان تركب معايا العربية تفاجأت بأفراد الشرطة قبضوا عليا".

تابع مواقعنا