حميد الشاعري: المهرجانات تطور للأغاني الشعبية.. وأنا ضد المنع وممكن ألحن لـ حمو بيكا
كشف الفنان حميد الشاعري رأيه في المهرجانات وأغاني الراب، كما أعرب عن حبه الشديد للغناء وجميع أنواع الأغاني.
وتحدث الفنان حميد الشاعري عن أغاني المهرجانات وتعاونه مع مطرب الراب مروان موسى، وذلك من خلال تصريحات تليفزيونية، إذ قال: أنا متقبل المهرجانات والراب بطريقة كبيرة وبحبها لأنهم مختلفين ودا أهم شيء والتنوع الموسيقي حلو، وعملت راب مع مروان موسى، خلوا الشباب يبدعوا، وأنا ضد المنع لأن الحاجة الحلوة هنسمعها ولو معجبتش حد ممكن يقفلها، والمهرجانات تطور الشعبي وموسيقى البوب وأي شكل غنائي جديد في البداية الناس مش هتستوعبه ودا طبيعي.
مفيش حد ماوقفتش جنبه في بدايته
وأردف حميد الشاعري تصريحاته قائلا: مفيش أسوأ لحن ومفيش أغنية ضايقتني بالعكس بحاول أشوف بتقول إيه وأغنية حدوتة مصرية لمحمد منير عبارة عن خبط بس، ومع ذلك الفكرة عجبتني جدا، مفيش حد ماوقفتش جنبه في بدايته ومش لازم عشان وقفت جنبه يشتغل معايا، بالعكس لما بلاقي لحن لحد من الأصوات اللي حواليا بحجزه له لأنها موسيقى مش حرب، احنا فنانين وجيلنا كان قريب من بعض علي عبد الخالق، عمرو دياب، فارس، هشام عباس، كلنا كنا قريبين وبنساعد بعض ومصطفى تنازل عن أغنية عودة، عشاني.
حميد الشاعري: لو كنت نقيب مش همنع حد
واختتم حميد الشاعري: لو كنت نقيب مش همنع حد لأني ضد المنع من البداية بعيدا عن الأغنية حلوة ولا وحشة، لو حمو بيكا طلب مني لحن هوافق بشرط يكون بطريقتي والأسلوب بتاعي.
