ماجد الكدواني عن كواليس فيلم فضل ونعمة: كنا داخلين مهمة رسمية أو حرب
تحدث الفنان ماجد الكدواني، عن شخصيته في فيلم فضل ونعمة، الذي شاركه بطولته الفنانة هند صبري، وعُرض خلال الأيام القليلة الماضية في دور العرض السينمائي.
وقال ماجد الكدواني في تصريحات تلفزيونية عن شخصية فضل التي يقدمها خلال أحداث الفيلم، إن أكثر ما جذبه للشخصية هو بساطتها: فضل بسيط وده اللي شدني للشخصية، لأني كنت مهتم إني أقدم شخصية شبهنا كلنا من الطبقة المتوسطة اللي كلنا منها، وكنت قلقان إن الشخصية تكون هادية أكتر من اللزوم، وكنت مهتم إني أقدم سينما للعائلة، لأن الناس عندها حنين للسلام والبيت والدفا، وده كان الدافع النفسي الأول بالنسبة لينا كلنا، واكتشفت إن دي جملة مشتركة من التعليقات اللي بتيجي على الفيلم إنه فيلم عائلي ولكل الأعمار.
ماجد الكدواني
وتابع ماجد الكدواني، أنه على الرغم من تقديمه أنواعا عديدة من الشخصيات، إلا إنه كان يحتاج لتقديم شخصية بسيطة وهادئة ومناسبة للعائلة مثل الشخصية التي قدمها خلال أحداث فيلم فضل ونعمة، قائلًا: أنا كإنسان كنت محتاج ده، إني أتطهر زي فكرة الاغتسال، لأن زي ما بنقدم سينما جامدة وناشفة لازم نقدم عائلي.
وأضاف: اللعبة لعبة جماعية والمهنة جماعية، دايمًا أنا عارف إني مش لوحدي وفيه ورايا مخرج، إحنا بنبقى داخلين كأننا داخلين مهمة رسمية أو حرب، وبقول دايمًا ربنا مش بيضيع تعب حد، والبركة في فريق العمل دول اللي ببقى معتمد عليهم بعد ربنا.
