أمير مرتضى: أغلقنا صفحة إفريقيا وسنبدأ التركيز في الدوري

تحدث أمير مرتضى منصور، المشرف العام على الكرة بنادي الزمالك، عن فوز القلعة البيضاء بخمسة أهداف مقابل هدف على فريق فلامبو البوروندي، في إياب دور الـ32 من بطولة دوري أبطال إفريقيا.

أمير مرتضى يوجه دعوة عشاء للبرتغالي فيريرا

رسالة خاصة من أمير مرتضى منصور للاعبين الجدد بـ الزمالك

تصريحات أمير مرتضى

وقال أمير مرتضى منصور: لسه بدري على إننا نوجه رسائل للمنافسين في إفريقيا أحنا في الأدوار التمهيدية واستنزفنا بسبب خوض دور الـ64، وبناخد كل خطوة بخطوة، قفلنا صفحة إفريقيا وهنبدأ التركيز في الدوري.

وأضاف أمير مرتضى منصور في تصريحات عقب المباراة: توالي المباريات هيزيد التجانس والانسجام بين اللاعبين الجدد والقدامى بس بشكل عام مبقاش في حاجة اسمها صفقات جديدة كلهم دلوقتي لاعبين في الزمالك وكلهم بيشيلوا بعض.

وتابع المشرف على الكرة بنادي الزمالك: عانينا قبل كدة بالحرمان من التعاقدات وده أثر على الناحية البدنية للاعيبة شوية وكان في إصابات لكن دلوقتي الحمد لله قدرنا ندعم الفريق بصفقات مميزة مع المجموعة اللي كانت موجودة كلهم قادرين على مواصلة مسيرة الانتصارات الفترة اللي جاية عندنا بطولات كتير ومشاركات كتير وهنبقى محتاجين كل اللعيبة.

وواصل أمير مرتضى: تخطي دور الـ32 قبل بداية الدوري شيء كويس ويدي اللعيبة دافع قوي عشان نبدأ موسم الدوري الجديد وبشكر مجلس الإدارة أنه قدر يخلي ماتشين فلامبو هنا في القاهرة دول وفروا جهد كتير علينا ويخلونا نستعد بشكل جيد للدوري.

واختتم أمير مرتضى: لا يوجد مؤتمر صحفي غدا لتقديم اللاعبين، وأول مباراة في الدوري يوم الأربعاء في ستاد المقاولون العرب بدلا من ستاد القاهرة.