ألفت إمام: محصلش خلاف بيني وبين نادية الجندي في فيلم الشطار
نفت الفنانة ألفت إمام شائعات تواجد أي خلافات مع الفنانة نادية الجندي أثناء تصوير فيلمهما الشطار، كما أعربت عن سعادتها بالتعاون معها في هذا الفيلم.
وتابعت الفنانة ألفت إمام، في تصريحات متلفزة: محصلش خلاف، هو أحيانا بنحكي عن مواقف حصلت في الفيلم في جزء صورته وإحنا متواجدين في العنابر بتاعت السجن صورناه، وبعد ما خلصنا مسألتش الأستاذ نادر جلال عن المشهد، وفي جمل مهمة جدًا أن بقولها، وبتناقش أنانادية ليه كل شوية بتدخلي السجن في الفيلم، ولقيت أجزاء من الحوار بتاعي الكاميرا مش جايه على وشي، ممكن يكون من وجهة نظر المخرج.
ألفت إمام: نادية الجندي نجمة كبيرة.. وفرحت إني اشتغلت معاها
وتابعت الفنانة ألفت إمام حديثها عن سعادتها بالتعاون مع الفنانة نادية الجندي، قائلة: نادية الجندي نجمة كبيرة جدًا، وفرحت إني اشتغلت معاها في فيلم الشطار، وسجلنا الصوت بتاعي فقط بعد ما كنا مسجلين المشاهد، معرفش ليه يوم وروحت الاستوديو، وخدنا الصوت بتاعي فقط، محدش بيجيي بعد ما نزل الخبر ده يتأكد.
تصريحات ألفت إمام
وكانت قد كشفت الفنانة ألفت إمام عن سبب ابتعادها عن الفن، قائلة: سحبت نفسي من الأوساط اللي بيتكلم عليها السوشيال ميديا من بعد ثورة يناير، لأن فوجئنا من السوشيال ميديا، وفي ناس بتعتبرها حاجة بتجري في عروقها، وهي وسائل تباعد مش تواصل اجتماعي، والفترة اللي لقيت فيها تغير المزاج وسلوك المصريين، بعدت عن الفن.
