بيقلدوا سواق السويس.. قيادة متهورة لعدة سيارات بمصر الجديدة | فيديو
نشرت إحدى السيدات عبر صفحتها الشخصية بموقع التواصل الاجتماعي فيس بوك، مقطع فيديو رصد حركات استعراضية قام بها عدد من سائقي سيارات الملاكي، أعلى أحد الطريق بمنطقة هليوبوليس بمصر الجديدة بالقاهرة، معرضين حياتهم وحياة الآخرين للخطر.
قيادة متهورة لعدة سيارات بمصر الجديدة
وقالت السيدة في منشورها: دول ناس لازم تتحاسب على قله المسئولية والاستهتار اللى هما فيها، وطبعا بيقلدوا الراجل اللي عمل كده في طريق السويس.
واستكملت: أنا كنت ماشية في طريقي عادي، ودول قرروا يعدوني عشان يعملوا الهبل ده، وأما اكتشفوا إني بصورهم زنقوا عليا ووقفوني لولا إن اللى ورايا رخم عليهم، فعرفت أرجع لورا بالعربية، وأطلع منهم وبرضه واحد منهم جري وجالي وقالي امسحي الفيديو، ده فرح إحنا بنفرح ونهزر «مع إني مشوفتش أي عربية لعريس وعروسة» بس برضه ده مش سبب احنا كنا ممكن نعمل حادثة وأي حد يتخبط من التهريج ده ايه الفرح والهزار في كده!!!.
اختتمت: بجد الناس دي لازم تتحاسب عشان تبقى عبرة للغير، أنا أصلا كان كل اللي هامنني إني أطلع منهم من غير ما نخبط في بعض.
من جهة أخرى رصدت أجهزة وزارة الداخلية، ملابسات تداول مقطع فيديو على تطبيق «تيك توك»، يظهر خلاله قيام أحد الأشخاص بالشرقية بقيادة سيارته الخاصة بسرعة زائدة مخالفة وبها بعض المخالفات المرورية.
تهور سائق الشرقية
تم رصد تداول مقطع الفيديو على أحد الحسابات الشخصية على تطبيق «تيك توك»، مُستعرضًا خلاله صاحب الحساب قيامه بقيادة سيارته الخاصة بسرعة زائدة مخالفة تخطت 200 كيلو، ودون لوحات معدنية، وتثبيته زجاجا ملونا حاجبا للرؤية، وتبين أن السيارة المشار إليها مقيدة باسم أحد الأشخاص، مقيم بدائرة قسم شرطة العاشر من رمضان بالشرقية.
