بعد السائق المخمور بطريق السويس.. الأمن يفحص فيديو لشباب يقودون سياراتهم بطريقة استعراضية في مصر الجديدة
تفحص الأجهزة الأمنية بـ وزارة الداخلية مقطع فيديو تم تداول عبر موقع التواصل الاجتماعي فيس بوك، ظهر خلاله شاب يقود السيارة بتهور ويعرض حياته وحياة الآخرين للخطر في مصر الجديدة.
حركات استعراضية لسيارات بمصر الجديدة
وكانت نشرت إحدى السيدات عبر صفحتها الشخصية بموقع التواصل الاجتماعي فيس بوك، مقطع فيديو رصد حركات استعراضية قام بها عدد من سائقي سيارات الملاكي، أعلى إحدى الطريق بمنطقة هليوبوليس بمصر الجديدة بالقاهرة، معرضين حياتهم وحياة الآخرين للخطر.
وقالت السيدة في منشورها: دول ناس لازم تتحاسب على قله المسئولية والاستهتار اللى هما فيها، وطبعا بيقلدوا الراجل الى عمل كده في طريق السويس.
تابعت: أنا كنت ماشية في طريقي عادي، ودول قرروا يعدوني عشان يعملوا الهبل ده، وأما اكتشفوا إني بصورهم زنقوا عليا ووقفونى لولا إن اللى ورايات رخم عليهم، فعرفت أرجع لورا بالعربية، وأطلع منهم و بردو واحد منهم جرى و جالى وقالى أمسحى الفيديو ده فرح إحنا بنفرح ونهزر (مع إنى مشوفتش أى عربية لعريس و عروسة) بس برده ده مش سبب إحنا كنا ممكن نعمل حادثة وأى حد يتخبط من التهريج ده ايه الفرح و الهزار في كدة!!!.
اختتمت: بجد الناس دى لازم تتحاسب عشان تبقى عبرة للغير، أنا أصلا كان كل الى هامننى إنى اطلع منهم من غير مانخبط فى بعض.
السائق المخمور بطريق السويس
يذكر أن محكمة جنوب القاهرة المنعقدة في التجمع الخامس، قررت منذ أيام معاقبة المتهم بقيادة سيارته برعونة على طريق السويس، والمعروفة إعلاميًا بـ السائق المخمور بطريق القاهرة السويس، بالمشدد 3 سنوات وغرامة 50 ألف جنيه وإيقاف رخصة القيادة.
