نور الشريف: محمود المليجي قعد في البيت بعد فيلم الأرض.. وكان سبب بكائي في أحد المشاهد|نوستالجيا
تحدث الفنان الراحل نور الشريف عن الفنان محمود المليجي ودوره في فيلم الأرض، وبجانب ذلك بكائه في فيلم شباب في العاصفة بسبب محمود المليجي، وذلك خلال حوار تليفزيوني له سابق.
قال نور الشريف خلال حواره عن محمود المليجي: أنا بعشق محمود المليجي وممثل في رأيي نادر الوجود، وأرى الفنان صلاح منصور جبار في أداءه ويتفوقوا على العالميين.
وأضاف نور الشريف عن الفنان محمود المليجي: محمود المليجي لما عمل فيلم الأرض قعد في البيت كان مستني يبعتوله في شغل، وقابلته بعدها في فيلم شباب في العاصفة وشوفته في مشهد خالع التيشيرت، والمشهد كان يتطلب كده اتفزعت لما شوفته، ودخلت لي الأوضة، وأنا ببكي بالدموع وقولتله ايه اللي يخليك تقبل، والواحد يبين عيوب جسمه لو الدور يستحق.
واستكمل نور الشريف حديثه: قالي أنا بعد فيلم الارض قولت أخيرا المنتجين والمخرجين هيكلموني يسألوني نفسك تمثل ايه فمحدش بعتلي، كل واحد واحد لما سألته يقولي، احنا قولنا بعد الأرض المليجي هيقرفنا.
فيلم الأرض
عرض فيلم الأرض عام 1970، وضم العمل عدد كبير من النجوم أبرزهم، عزت العلايلي، يحيى شاهين، علي الشريف، عبد الوارث عسر، حسين إسماعيل، توفيق الدقن، صلاح السعدني، نجوى إبراهيم، وعدد آخر من الفنانين، والعمل كان من تأليف حسن فؤاد وإخراج يوسف شاهين، وتدور أحداثه في إطار تشويقي درامي، وحقق العمل نجاحًا كبيرًا.
