أنا عملت تاريخ مهم ومحمد منير خارج المنافسة.. أبرز تصريحات عمرو مصطفى التليفزيونية
حل الفنان عمرو مصطفى، ضيفا على أحد البرامج التليفزيونية، وكشف خلال اللقاء؛ العديد من الأسرار حول مشواره الفني.
نستعرض لكم في هذا التقرير أبرز تصريحات عمرو مصطفى التليفزيونية
- قفلت صفحات كل الخلافات وتركيزي الآن على استكمال صناعة تاريخي.
- ابتكرت طريقة جديدة للتسويق لأغنياتي وسيعتمدها كثيرون مستقبلا.
- عايز الناس تشوف عمرو مصطفى الحقيقي وتشوف فني فقط مش خلافاتي.
- لعبت مع الأسد مخدش حقه من الترويج.. والألبوم ده اتظلم كتير.
- بعتذر لترك آل شيخ أني معرفتش أعمله ترويج للألبوم لعبت مع الأسد.. وكل أغنية هديها حقها الفترة الجاية.
- سأكون المطرب الأهم عربيًا خلال السنوات الـ 5 المقبلة
- محمد منير رقم واحد في مصر وخارج المنافسة لأنه بيقدم لون محدش بيقدمه.
- أغنية إلا أنا عملتها علشان محدش يقارن نفسه بيا ولا حد يجي جمب تاريخي.. أعمل زيي وبعدين قارن نفسك بيا.
- عملت تاريخ مش لنفسي فقط.. عملت أيضا تاريخ للوطن وللبلد مهم.. أنا أول مطرب عربي غنى في كأس عالم كل الحاجات دي مش عند أي حد.
- صناعة الموسيقى ابتدأت تروح لمنحدر مختلف تمامًا عن الصناعة اللي اتربينا عليها.
- الوطن العربي راح لموسيقى تفتقد الوجدان وكل ما يرتقى بالإنسان.
أعمال عمرو مصطفى
يذكر أن عمرو مصطفى، طرح مؤخرا اغنية إلا أنا ضمن ألبوم غيرك مين، وهي من كلمات مصطفى إسماعيل، وألحان عمرو مصطفى وتوزيع Ron Taylor وجيتار Luis Robisco0، بينما الأغنية الثانية هي رقصة من كلمات مصطفى ناصر وألحان عمرو مصطفى، وكانت أغنية مين هيجاريه هي الثالثة، والرابعة هي أغنية سيبوه من كلمات مصطفى ناصر، وألحان عمرو مصطفى.
كلمات أغنية إلا أنا
وجاءت كلمات أغنية إلا أنا كما يلي: إلا أنا واجهة خلاف السنة، أنا عندي الخلاف حرفنة، لو هتسأل هناك أو هنا، أنا بعدي الكلام اتفنى، إلا أنا، في أول صف أنا وبعدي يجي ناس وسابق كله أنا علشان أنا الأساس، يقولوا مئة سنة ده كله كلام اتداس، حكايتي مكملة يغير اللي يغير دي أول مرحلة ولسة الجاي كثير، يعيشوا في اسئلة وأنا سري في بير، في أول صف أنا بقى لي سنين، وحاولوا يقلدوا ومش عارفين.
