الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

السيسي موجهًا الشكر لوزير الدفاع والقوات المسلحة: كل موضوع عاوز أخلصه بقوله يا محمد بيعمله

الرئيس عبد الفتاح
أخبار
الرئيس عبد الفتاح السيسي
الثلاثاء 25/أكتوبر/2022 - 02:21 م

حرص الرئيس عبد الفتاح السيسي، على توجيه الشكر للقوات المسلحة المصرية، قائلا: الحكومة تقوم بجهد جبّار، لكن أي موضوع عاوز أخلصه يا محمد يا زكي، بقوله إيه يا محمد، بقول لمحمد يعمله، في إشارة إلى حديثه مع الفريق أول محمد زكي، وزير الدفاع والإنتاج الحربي.

وأضاف السيسي: أنا بشكرك يا محمد، وبحيي الجيش، وبقوله كده مش عشان أنا منه، وأنا بسجل للتاريخ اللي الجيش عمله، من بعد ما خد طعنة من الجلاء في عام 1967، والحوجة اللي عاشها والعوز، واتعلمنا من الدروس لما فنانين يروحوا يعملوا جولة عشان يجمعوا دعم يدخلوا بيه الحرب.. كان لازم نتعلم من الدروس.

 

الجلسة الختامية للمؤتمر الاقتصادي

وتابع رئيس الجمهورية: كل الكلام اللي بقوله ده تجربة.. تجربة حكم 7 سنين، وأنا شغال على الأقل 10 ساعات عمل.. في بعض الكلام قد ينفذ وقد لا ينفذ، وأنا لما جيت عملت أول لقاء مع المستثمرين.. قولتلهم إني محتاج 100 مليار جنيه، عشان نعالج الآثار الناجمة عن أحداث 2011، 2013.. البعض فكّر إني جاي آخد مال الناس، وده لا يرضي ربنا ولا هيرضي ربنا.

واستكمل الرئيس: الناس بتكلمني عن طريق وكوبري.. كوبري إيه.. ده مفيش حاجة كانت واقفة على حيلها، وشوفوا حجم التردي من خلال زيارة حديقة الحيوان.

ووجّه السيسي خلال كلمته بالجلسة الختامية للمؤتمر الاقتصادي، التحية للدكتور مصطفى مدبولي، رئيس الوزراء، قائلًا: شكرًا يا دكتور مصطفى.. إنتم عارفين أكتر واحد بيتعذب معايا في الحكومة مين؟.. الدكتور مصطفى والله العظيم.. وجنابه بقت قد كده.

وأشار رئيس الجمهورية، إلى أن هناك العديد من المصريين الذين يرددون الأحاديث حول تكرار ذكر الله في الخطابات، مردفا: الناس بيقولولي بتتكلم عن ربنا كتير ليه؟.. قلتلهم حبيبي وغالي عليا، وكرمه على مصر فوق خيالكم.

 

كلمة الرئيس السيسي في المؤتمر الاقتصادي

كان الرئيس عبد الفتاح السيسي، قد وصل صباح اليوم، لمقر إقامة المؤتمر الاقتصادي، بالعاصمة الإدارية، وذلك لإلقاء خطاب الختام وإعلان توصيات المؤتمر وما شهده من جلسات على مدار الـ 3 أيام من الانعقاد.

يأتي انعقاد المؤتمر في إطار مساعي الحكومة المصرية، لوضع خارطة طريق للاقتصاد المصري وتعافيه، وذلك في إطار الأزمات التي مر بها جميع دول العالم، وذلك بحضور عدد من الوزراء ورجال الأعمال، وكذلك مُشاركة بعض الأحزاب السياسية.

تابع مواقعنا