السيسي يعلن استعداده لدخول رجال الأعمال والمستثمرين في مجال الصحة والمستشفيات
أعلن الرئيس عبد الفتاح السيسي، رئيس الجمهورية، استعداده لدخول رجال الأعمال والمستثمرين فى مجال الصحة والمستشفيات.
وتحدث الرئيس عبد الفتاح السيسي، خلال المؤتمر الاقتصادي، عن التعاون لحل مشاكل الدولة المصرية، قائلا: "كتير من اللى قاعدين هنا.. وناس اقتصاديين.. في بداية 2014 التقيت بهم.. وقولت لهم تحبوا تيجوا تمسكوا الوزارة.. قالوا لا.. إحنا لينا تاريخ.. مستخسر تاريخك في بلدك.. أنا مش بلوم حد والله ما بلوم حد.. إحنا نعرف يعني إيه الحال ده ننجح ولا لا.. خلينا بعيد.
أضاف الرئيس السيسي: حد تاني قالى هتديني كام.. أنا باخد 2 مليون في الشهر.. قولت له مش هقدر.. قالي سبني بعيد وأنا أي نصيحة هقولك عليها.
وتابع الرئيس السيسي: اللى بتكلم فيه في صلب المؤتمر الاقتصادي.. وصلب الحوار الوطني عاوزين نشوف بعض ونتكلم حتى لو فيه اختلاف.
وكان الرئيس عبد الفتاح السيسي، رئيس الجمهورية، وصل صباح اليوم إلى مقر إقامة المؤتمر الاقتصادي، بالعاصمة الإدارية، وذلك لإلقاء خطاب الختام وإعلان توصيات المؤتمر، وما شهده من جلسات على مدار 3 أيام من الانعقاد.
