عمرو أديب عن انفعال شيكابالا: اللي عملته ده غلط.. والمفروض أنت قدوة
علق الإعلامي عمرو أديب، على انفعال لاعب نادي الزمالك محمود عبد الرازق شيكابالا، عقب هزيمة فريقه من النادي الأهلي مساء اليوم.
وقال الإعلامي عمرو أديب، خلال برنامج الحكاية مساء اليوم الجمعة: مينفعش يا شيكا اللي عملته وأنا بدين اللي عملته، وتيجي وقت تسليم الماديليات متاخدهاش؟.. أنت نموذج يا شيكا للشباب.
أنت نموذج يا شيكا للشباب
وأوضح أديب: يا شيكا اللي عملته دا غلط، المفروض أنت قدوة.. ومش عارف الإدارة هتحاسبه ولا لأ، بس اللي عمله غلط.
وقال أديب: الزمالك مكنش عنده روح اليوم، لاعيبة الأهلي لعبت مباراة السوبر بشكل انتحاري، والأهلي كان فيه لياقة مش روح.
وأكمل: قدري دايمًا أخد الحاجة سخنة في وشي.. وأولا يجب أن أتوجه بالتهنئة للنادي الأهلي.. ولياقة وخطة وجمهور النادي الأهلي حسمت لقب السوبر.
وتوّج الأهلي بلقب السوبر المصري بعد الفوز على الزمالك بهدفين دون رد، في لقاء أقيم على ملعب هزاع بن زايد بمدينة العين الإماراتية.
وحقق النادي الأهلي، الفوز على نظيره الزمالك في كأس السوبر المصري بنتيجة هدفين دون رد، ليحقق اللقب للمرة الثانية عشر في تاريخه، والسادسة على حساب الفارس الأبيض.
