علي الحجار: رفضت الترشح لنقابة الموسيقيين.. وهاني شاكر مكنش المفروض يستقيل

علق الفنان علي الحجار على استقالة الفنان هاني شاكر، من منصبه نقيبًا للمهن الموسيقية خلال الفترة الماضية، مشيرًا إلى أن توقيت الاستقالة لم يكن ملائمًا مع أوضاع النقابة، خاصةً أنه استطاع خلال الفترة الماضية أن يفهم كواليس ما يحدث في النقابة بخبرة السنين.

وأضاف علي الحجار خلال استضافته ببرنامج It's Showtime على شاشة قناة cbc: كنت شايف إن هاني شاكر في المرحلة الأخيرة بدأ يفهم كواليس النقابة صح بالخبرة وبالسنين مسك عصاية الموضوع، واستقال في توقيت مكنش المفروض يستقيل فيه.

وأضاف علي الحجار: النقابة اللي مسكها عبد الوهاب وأم كلثوم يليق عليها هاني شاكر، دول الأسماء اللي نفتخر بوجودهم كنقباء لينا.. جولي أكتر من مرة عشان أرشح نفسي ومنهم أستاذ أحمد رمضان سكرتير النقابة اللي هو بيمشي النقابة تقريبًا وحاول يقنعني، ورفضت؛ لأني مبعرفش أدير نفسي، هدير 12 ألف موسيقي ازاي؟.

وتابع علي الحجار: مبعرفش في الإدارة.. فـ ازاي هعرف مشكلة 12 ألف موسيقي في القرى والنجوع؟ مش هعرف وممكن أظلم وأنا مش حملها، فيه حد بيبقى بيعرف يدير نفسه ويدير الناس وفنان برضه، لكن أنا أختار الأغنية مثلًا ومعرفش أسوقلها ومين يذيعها، وكل الكلام ده أنا فاشل فيه.

علي الحجار في مهرجان الموسيقى 

وسبق وشارك علي الحجار في الدورة الـ 31 من مهرجان الموسيقى العربية، وأحيا الليلة الخامسة من حفلات المهرجان، علي مسرح النافورة، في دار الأوبرا المصرية.

السوشيال ميديا ساهمت في انتشار أغاني قديمة وشيرين عبد الوهاب صوت قوي وناجح.. أبرز تصريحات علي الحجار لـ الحياة بمهرجان الموسيقى العربية

علي الحجار يكشف موعد طرح يا أرضنا آخر ألحان بليغ حمدي | خاص