شوبير يوجه رسالة نارية للاعب الأهلي: مفيش وقت تقلب وشك
علق الإعلامي أحمد شوبير، على عدم مشاركة حسام حسن مهاجم الفريق الأول لكرة القدم بالنادي الأهلي، مع الفريق الأحمر بشكل أساسي خلال الفترة الماضية.
وقال أحمد شوبير خلال تصريحات إذاعية: طبعا أنا عارف إن أي لاعب عاوز يشارك بشكل أساسي ولكن عندي نصيحة لحسام حسن، لو كولر لعبك على الجانب الأيمن أو الأيسر أو حتى حارس مرمى عليك الظهور بشكل جيد.
وأضاف شوبير: مفيش وقت تقلب وشك، لازم تاخد بالك من ده لكي تحجز مكانك في الفريق، فيه منافسة عنيفة جدا بين اللاعبين في الأهلي بداية من محمد الشناوي شريف، وده بسبب إن كولر عادل، ولا ينحاز للاعب على حساب الآخر.
كولر يخطط لعدم فقدان أي نقطة
أوضح نجم الأهلي الأسبق: كولر يمنح الفرصة للأفضل ليس لديه مشكلة، كما أنه استطاع تجهيز الصف الثاني وأعاد اكتشاف عدد من اللاعبين، خاصة وأن الأهلي سيواجه منافسة شرسة في الفترة المقبلة، البطولة لم تحسم بعد 3 مواجهات.
وشدد في نهاية حديثه: كولر يخطط لعدم فقدان أي نقاط في الدور الأول على غرار مواطنه فايلر الذي لم يتعادل إلا مع سموحة في آخر لقاء في الدور الأول، وقلبه على الشغل، الفريق يتمرن حاليا، مفيش هزار، هتتمرن كويس وتنام بدري هتحجز مكان، كما أنه يهتم جدا بالبدلاء، عينه على كل لاعب.
