المنتج محمد حامد: اتبهدلت بسبب صورتي مع شيرين عبد الوهاب
تحدث المنتج محمد حامد عن صورته مع الفنانة شيرين عبد الوهاب، والتي انتشرت انتشارا كبيرا على مواقع التواصل الاجتماعي، وعن تعاونه معها في أكثر من عمل.
قال محمد حامد خلال ندوته مع القاهرة 24: بهدلوني بصورتي مع شيرين عبد الوهاب، وكنت شايف أن شيرين محتاجة دعم من صحابها، وساعتها كان ماتش الزمالك، ونزلت صورتي معاها وكتبت بمناسبة فوز الزمالك، أنا مع نجمة الوطن العربي شيرين أختي الغالية، والصورة انتشرت انتشار غريب وفي حد اشتغل الصورة وعمل فيديوهات عشان يأثر علاقتي بـ شيرين، وكمان ما أنا اشتغلت مع يارا واتصورنا مع بعض على المركب ونانسي عجرم، اشمعنا ده حصل مع شيرين؟!.
وأضافت محمد حامد: نفسي اتعامل مع شيرين عبد الوهاب لأنها فعلا رقم واحد في الوطن العربي، وهي ملكة الشرف وهتفضل ملكة الشرق، وتكلمنا في شغل وعن فيلم، ولكن كان مجرد فكرة.
آخر أغاني شيرين عبد الوهاب
تعد أغنية المترو آخر الأغاني التي طرحتها شيرين عبد الوهاب، وحققت الأغنية نجاحًا كبيرًا عبر موقع يوتيوب، وهي من كلمات: أمير طعيمة وألحان: عمرو مصطفى، وجاءت كلمات الأغنية كـ الآتي: في محطه المترو وأنا ماشيه من يومين أنا شفت حد مش هشوفه مرتين، ضحكت عيونه ضحكه قولت قصدو مين، بصيت شمالي وبعدها بصيت يمين ومكنش فيه ألا أنا بس وجمبي اتنين، مبقتش عارفه هو يومها قصده مين يا دي يا دي يا أنا خد قلبي مني وخطفني خطفه
ولاقيتني طايره مع اني واقفه.
