مظهر شاهين لـ إسلام البحيري: بلاش تعمل نفسك بطل بالأونطة.. اللي بيضرب زوجته بوحشية بيتحبس
علق الشيخ مظهر شاهين، الداعية الإسلامي، على حديث الباحث إسلام البحيري، الذي هاجم خلاله المشايخ والعمامة، بعد حبس عريس الإسماعيلية سنة في ضرب زوجته.
مظهر شاهين لـ إسلام البحيري: بلاش تعمل من نفسك بطل بالأونطة.. اللي بيضرب زوجته بهذه الوحشية بيتحبس
وقال مظهر شاهين خلال بيان له: اللي بيضرب زوجته بهذه الوحشية بيتحبس من قبل ما تتولد، فبلاش تعمل من نفسك بطل بالأونطة، وأصحاب العمائم -اللي حارقين دمك- عمرهم ما قالوا إن الزوج مصرح له بأن يضرب زوجته بهذه الطريقة الوحشية الهمجية، ولا تجعل حقدك الأسود علي الأزهر ورجاله يدفعك دائمًا للصيد في الماء العكر.
وكان البحيري كتب عبر حسابه على موقع التواصل الاجتماعي فيس بوك: وحشتوني يا غاليين، الإجازة طولت حبتين لكن خلاص عدنا، ومن جمال الأقدار إن النهارده الصبح، الواد بتاع الإسماعيلية اللي ضرب مراته أخد سنة سجن، عشان بعد كده أي واحد هيعمل دكر، ويسمع كلام المشايخ، إن له حق ضرب الزوجة عشان يكسر كبرياءها، هياخد على قفاه ويدخل السجن، شكرًا للدستور والقانون وخالص عزائي للعمامة.
على جانب آخر، عقب الشيخ مظهر شاهين، الداعية الإسلامي، على الربط بين فكرة انتشار الحجاب وارتفاع سعر الدولار.
وكتب شاهين، خلال منشور له عبر صفحته الشخصية بموقع التواصل الاجتماعي فيسبوك: من يربط بين انتشار الحجاب وارتفاع سعر الدولار، تمامًا كمن يربط بين تربية اللحية وارتفاع سعر البيض، إحنا في زمان الهجص من أجل التريند.
