محمد الشرنوبي: اتعرضت لضغط زي شخصيتي في إيجار قديم وبحل مشاكلي بالمواجهة
أعرب الفنان محمد الشرنوبي عن سعادته بردود الفعل التي تلقاها عن مسلسل إيجار قديم، الذي يشارك به ويُعرض على شاشة قناة on.
تصريحات محمد الشرنوبي لـ القاهرة 24
وقال محمد الشرنوبي لـ القاهرة 24: ردود الفعل كانت حلوة أوي ومُحمسة خصوصا إننا لسه بنصور، وادتنا طاقة كويس مرضية جدًا واللي جاي كل حلقة بتبقى أحسن من اللي قبلها.
وأضاف محمد الشرنوبي: طارق شخصية مضغوطة زي كل شباب الجيل ده، وكله مضغوط وحاسس إن الدنيا جاية عليه وكله حاسس إن أهله جايين عليه ومحدش بيساعده، الظروف اللي عشناها في آخر 12 سنة من وقت 2011 كانت ضغط كبير، وبالذات الناس اللي بتتجوز ومش عارفة توفر متطلبات أهل العرايس وضغط الشغل.
وأردف الشرنوبي: اتعرضت لضغوط زي دي كتير، اتعاملت مع المواقف دي بالمواجهة أحسن طريقة إننا نقابل بيها الضغط اللي بنتعرضله، ونقول تمام وهتعدي وكل حاجة وحشة هتعدي.
واستكمل محمد الشرنوبي: مفيش حاجة متشابهة بيني وبين شخصية طارق بالمسلسل، غير إننا بنحب الغنا، واختيارات الأغاني الكلاسيكية ما بيني وبين كريم أبو ذكري وعمرو الدالي وطارق رفعت وبنتكلم وبنوصل لها، مخوفتش من رد فعل الناس على تقدين الأغاني الكلاسيكية القديمة ود يمش أول مرة أعملها، وعملتها في مسلسل لا تطفئ الشمس وغنيت أغنية أنا لحبيبي، وقدمت أغاني كتير في برنامج صاحبة السعادة.
أعمال محمد الشرنوبي الجديدة
وأشار محمد الشرنوبي، إلى أنه ينتظر طرح فيلم أنا لحبيبي الذي يلعب بطولته مع الفنانة ياسمين رئيس وكريم فهمي، وانتهى من تصويره منذ عامين، بالإضافة إلى طرح فيلم بضع ساعات في يوم ما مع الفنانة مي عمر وهنا الزاهد، وذلك خلال الفترة المقبلة.
