مش بحقد على نجاح حد ودايمًا مكاني موجود.. أبرز تصريحات هدى عمار التلفزيونية
حلت المطربة هدى عمار، ضيفة على أحد البرامج التلفزيونية، وكشفت سبب غيابها الفترة الماضية عن الساحة الفنية، بجانب الحديث عن حياتها الشخصية.
ونستعرض لكم أبرز تصريحات هدى عمار التلفزيونية
- في بدايتي تعاقدت مع نصر محروس، وبدأت شغل ولكن الدنيا ممشيتش زي ما كنت متوقعة.
- دايمًا بيتقال إني اعتزلت وده محصلش، أو إني اتحجبت واعتزلت وأنا عمري ما فكرت في الحجاب، أو إن جوزي هو اللي مش عايزني أشتغل مع إني مطلقة حاليًا.
- محدش له دعوة أنا اتجوزت كام مرة، وأنا مُطلقة بقالي 8 سنوات وابني كل حياتي ونور حياتي، لو حصله حاجة وأنا مش موجودة وفي شغلي عمري ما هسامح نفسي.
- لما كتبت بوست على الفيس بوك بتاعي بشرح يعني إيه رجولة كان الموضوع له علاقة بحاجة شخصية، واللي على راسه بطحة بيعرف نفسه.
- أنا مش مغرورة ولا بحقد على نجاح حد، ولكن أنا الحمد لله ربنا ميزني بصوتي ومكانتي موجودة، وفيه ناس بتستناني أعمل أغنية وحب الناس نعمة من ربنا.
- كنت بضايق من جوزي السابق لما يقولي إن هدومي مفتوحة، ولكن كنت بغيرها علشان ميزعلش وبتقبل غيرته.
- تتر مسلسل هوانم جاردت سيتي، اتعرض على أنغام ورفضته لأن اللحن معجبهاش واتحججت بالكلام، وأنا شخصيًا عجبني الكلام جدًا من أول ما قرأته، ومكنتش أعرف إن الأغنية اتعرضت على أنغام قبلي.
- بعد ما تتر مسلسل هوانم جاردن سيتي اتعرض بـ سنة، أنغام ودكتور راجح اتقابلوا وقالتله أنا زعلانة منك لأنك غيرت اللحن واديته لمطربة تانية، قالها والله أنا مغيرتهوش انتي اللي مفهمتيش اللحن وقتها.
