نيللي كريم تُعلن توقف تصوير فيلم ع الزيرو
أعلنت الفنانة نيللي كريم توقف تصوير فيملها الجديد الذي يحمل اسم ع الزيرو مع الفنان محمد رمضان، وذلك على هامش حضورها حفل افتتاح مهرجان القاهرة السينمائي الدولي بدورته الـ 44، المقام حاليًا في دار الأوبرا المصرية.
وقالت نيللي كريم خلال لقائها مع قناة dmc: لسه مخلصناش تصوير فيلم ع الزيرو هنكمل بعد رمضان عشان كل واحد عنده مسلسل في رمضان.
وأضافت نيللي كريم: عندي في رمضان 2023 مسلسل عملة نادرة وهو مسلسل صعيدي وإنتاج جمال العدل وعملنا نجاح كبير أوي من سنة لسنة، وهو دور جديد عليا وقلقانة، ومحتاج شغل مختلف وفيه تفاصيل كتير جدًا، ولسه مبدأتش فيه.
وأشارت نيللي كريم إلى أنها تهتم بتقديم قصة من خلال العمل، ولا تبحث عن قضية معينة لتقديمها، متابعة: أنا مش ببحث عن قضية أنا بدور عن قصة يكون فيها حاجة بتتقال وقضية، أنا مش بختار لوحدي بيبقى فيه معايا مخرج ومنتج ومؤلف وبنفكر هنقدم إيه السنة الجاية بيبقى النظام كده.
وأردفت نيللي كريم: عايزة أقول للفنانة لبلبة مبروك ألف مبورك وتستاهلي أنا عارفة إن الفن عشقها وهي فنانة حساسة جدًا وأعرفها على المستوى الشخصي وسافرنا مع بعض كتير، بحبها وعارفة قد إيه هي حساسة وبتعشق الفن وألف مبروك وتستاهليها.
