قالوا عني مزاجنجي بسبب مسلسل الكيف ولولا أشرف زكي ما كنتش صالحت رحاب الجمل.. أبرز تصريحات باسم سمرة التليفزيونية
حل الفنان باسم سمرة، ضيفًا على أحد البرامج التليفزيونية، وتحدث خلال الحوار عن مشواره الفني، وتفاصيل علاقته بـ زملائه في الوسط الفني، وخلافاته الأخيرة.
ونعرض لكم أبرز تصريحات باسم سمرة التلفزيونية:
- لو أشرف زكي تدخل مكنتش صالحت رحاب الجمل وأنا بحترم أشرف زكي وكبَّرته في المشكلة.
- اتصالحنا من زمان أنا وعمر كمال وهو صوت حلو ومحتاجين مواهب زيه ومكنش في خلاف حصل وهو ابني الصغير وأنا كبير بشخصيتي.
- أنا ممكن أموت عشان ولادي مش أقتل عشان ولادي، وفي قانون ودولة وفي عرف ورجالة وعندي خطوط حمرا في تربية أولادي زي أي بيت مصري وبعمل أنهم يتعلموا لغات وفروسية وسباحة.
- تجربة تحول مشاهير السوشيال ميديا في التمثيل لا تستحق، والتمثيل دراسة وقصور ثقافة، وكل السوشيال ميديا لا أقتنع بها ولا أعترف بها ودي فساد وقلة أدب.
- أنا حاطط لنفسي خطة وأنا نجم شباك وأنا بطل فيلم المدينة ليسري نصر الله وحقق 8 جوائز دولية.
- محمد رمضان وكريم عبد العزيز من كبار نجوم الشباك، وكنت بقوم ببطولة أفلام ميزانيتها ضعيفة وتشجيع لشباب مخرجين في بدايتهم، والجدعنة مودياني في داهية.
- أبويا وأمي أكثر ناس بحبهم في حياتي وأمي نور عيني وعملت معاهم فيلم اسمه صبيان وبنات وحجاب.
- أنا عملت مسلسل الكيف وكان اسمي مزاجنجي والناس بتخلط الحاجة ببعضها وبطلع شائعات، وقالوا عليا مزاجنجي، وأنا صاحب مزاج أني اشتغل كويس وأكسب كويس.
- أنا مؤمن بلعنة الفراعنة واللي بيمشي في السكة دي بيتأذي هو أو حد من أسرته ومحبش أمشي في السكة دي لأني أرفض أني أتاجر بلحمي.
- اللي بيحب يطلع شائعات الوفاة هم المنتجين وبيحبوا يعملوا دعاية للأعمال، وأعتقد أن المنتجين بتعمل كده بطريقة ما وأنا رافضها تماما وترويج على حساب صحتي، وده تخمين مني.
- لم أندم على فيلم أحاسيس وأنا ممثل وبعمل شخصيات مختلفة والدور كان لصديقي أحمد عزمي وهو اللي هيعمل دوري مش أنا.
- وقت إمضاء أحمد عزمي لفيلم أحاسيس مراته قرأت ورق الفيلم وكان لسه متجوز ورفضت الدور غيرة منها، فطلب مني أعمل الدور وأنا كمان مراتي بتغير عليا.
