رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

منى زكي وفيدرا ونهى العمروسي ونجوم الفن يدعمون منة شلبي بعد القبض عليها

منة شلبي
فن
منة شلبي
الجمعة 25/نوفمبر/2022 - 07:28 م

دعم العديد من نجوم الفن الفنانة منة شلبي بعد القبض عليها في مطار القاهرة، في أثناء عودتها من رحلتها بالولايات المتحدة الأمريكية، وذلك بتهمة حيازة مخدرات.

خالد سرحان يدعم منة شلبي

 

ونشر خالد سرحان صورة لمنة شلبي عبر حسابه بموقع فيس بوك مع تعليق: قلبي معاكي يا أطيب وأنضف قلب، إن شاء الله تعدي علي خير.


منة فضالي

وأعربت منة فضالي، عن استيائها من التعليقات التي هاجمت منة شلبي، وكتبت عبر حسابها بموقع التدوينات القصيرة تويتر: الشماتة والغلط والتشهير حرام والله العظيم، الإنسان أما يكون في محنة مهما كانت بيحتاح الكلمة الحلوة أو اللي يقف جنبه واللي يتمنى له ربنا يخفف من عليه.

وأضافت: نفسي كل اللي كتب كلمة وحشة على منة شلبي يحط نفسه مكانها هل تتمنوا الفضيحة؟ الستر من عند ربنا احنا بشر وممكن نغلط عادي، دي نجمة وبتشرف مصر بره بلدها، مردفة: عارفة أن ممكن اتهاجم وممكن حد يقولي تريند وزفت.. ميهمنيش في الآخر دي زميلة ونجمة وليها مكانتها ومحتاجة نقف جنبها مش ضدها إحنا مش ضد القانون بس نفكر في الإنسانية.

سارة نور الشريف

وكتبت سارة نور الشريف عبر حسابها بموقع فيس بوك: عندي سؤال بيحيرني، إحنا ليه بننسى إن كلنا معرضين إن ربنا يرفع ستره عنا؟.. ليه بننسى إن كلنا بني آدمين مليانين أخطاء وعيوب؟، وإذا كنا حاسين إن إحنا تمام وعدانا العيب، ده بس عشان ربنا ساترنا، ليه كلنا بقينا قضاة وناسيين إننا ممكن في لحظة نكون متهمين؟ الرحمة يا ناس، الراحمون يرحمهم الله.

ريهام عبد الغفور

وطالبت الفنانة ريهام عبد الغفور من الصحفيين عدم نشر أخبار عن أي فنان بمجرد سماعه وعدم المشاركة في المس بسمعة فنانينهم اللي بيحبوهم وبيحترموهم، إذ كتبت: اللهم لا ترفع عنا غطاء سترك، ولا تبتلينا فيما لا نستطيع عليه صبرًا، أرجو من السادة الصحفيين عدم نشر أي أخبار عن أي فنان بمجرد سماعه والمشاركة في المس بسمعة فنانينهم اللي بيحبوهم وبيحترموهم، مَن ستر مُسلمًا ستره الله يوم القيامة.

فيدرا 

وحرصت الفنانة فيدرا على دعم منة شلبي، وكتبت عبر حسابها بموقع فيس بوك: ليه أنا وغيري كتير أوي بنحب منّه شلبي وليها مكان خاص عندنا، فنانين أو جمهور؟، علشان نقيّة، طيبة، جدعة، جميلة القلب، صافية، ما عندهاش حسابات وأجندات، بنت بارّه بأمها...جدا، معتمدة على نفسها، بتعشق شغلها، دي منّه شلبي.

منى زكي

وردت منى زكي على منشور فيدرا كاتبة: منة ست البنات.

أمير صلاح الدين

وكتب أمير صلاح الدين عبر حسابه بموقع فيس بوك: أدعم منة في محنتها، ربنا يعديها على خير من أجدع الشخصيات اللي قابلتها في حياتي وقفت جنبي كتير.

وحرصت الفنانة نهى العمروسي على توجيه رسالة دعم إلى الفنانة منة شلبي، وقالت لـ القاهرة 24: متأكدة أن منة متستاهلش إن حريتها تتحبس وبدعي لها ولأمها يقويها ويديها القوة لحد ما تطلع من أزمتها.

نهى العمروسي

وحكت نهى العمروسي، لـ القاهرة 24، تجربتها مع نفس الأزمة، حيث اتهمت عام 2014، بحيازة مواد مُخدرة وتم القبض عليها وقالت: أنا اتعرضت لنفس التجربة القاسية دي وكنت مظلومة واتعمل لي اختبار دم، وملقوش حتى في جسمي نكوتين، والقاضي برأني، وكانت تجربة قاسية جدًا ومنتهى الألم والوجع لأن الواحد لما يكون مظلوم بيتسرق حريته ولكن ربنا أداني القوة والمحنة قربتني من ربنا ومن نفسي وشفت في التجربة حاجات كان عمري ما هشوفها.

 

تابع مواقعنا