حلمي بكر: أقول لـ محمد فؤاد لا تعبث بنجاحك
تحدث الموسيقار حلمي بكر عن مسيرة الفنان محمد فؤاد وعلاقته به ووجه له بعض النصائح ليستطيع مواصلة نجاحه في مشواره الفني والغنائي.
حلمي بكر ينصح محمد فؤاد
وقال الموسيقار حلمي بكر في تصريحات تلفزيونية: محمد فؤاد مطرب كويس ونجح وكان عامل أغنية في وقت ما وبيسألوني عنها فقولتلهم والله ما سمعتها فاعتبر إن دي إهانة وجه قال يوم موت أخويا قالي أنا هعزيك في الأربعين بتاعت أخوك.
وأضاف حلمي بكر: وأقول لمحمد فؤاد أنت راجل ناجح فلا تعبث بنجاحك لأنه هيبقى على حسابك وأوعى تفتكر إني مبقولكش كده حب بالعكس أنا بحبك جدا وانت صاحبي.
أعمال محمد فؤاد
يشار إلى أن من آخر أعمال الفنان محمد فؤاد أغنية احكيلك والتي حققت نجاحا كبيرا عقب طرحها على موقع يوتيوب ووصل عدد مشاهداتها لما يقارب 2 مليون مشاهدة والأغنية من كلمات أسامة محرز وألحان وليد سعد.
وتقول كلماتها:
احكيلك عنها أقولك إيه غير إنها هي
اللي أنا حبيتها..و حبها سر وعايش فيا
ماكنتش بتحكي ومطمنه في الكون غير ليا
كانت تحكيلي عن حب جديد بسهوله كدا عادي
و ابقي هموت هتجنن منها واعمل فيها هادي
بتعذب من يوم ما عرفتها..و دا حالي يوماتي
عايش أيامي كإني وحيد..و بجد عانيت
و الناس بتلومني..العمر بيجري..و ليه خبيت
طول عمري بخاف م اليوم دا لا يجي..و ابعد وانساها
جربت أنساها بغيرها وقول كان ماضي وفات
توحشني..اروحي اتمني اشوفها لو في سكات
أرجع واصارح نفسي وأقولي - لأ - خلينا أخوات.
