السبت 20 أبريل 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

ياسمين عز عن شائعة هجومها على أحمد موسى: هل الكياتة والملاك الأبيض هيقول الكلام دا؟

ياسمين عز
فن
ياسمين عز
الخميس 08/ديسمبر/2022 - 06:59 م

علقت الإعلامية  ياسمين عز على شائعة هجومها على الإعلامي أحمد موسى، مؤكدة أن الأزمة مفبركة وأنها تكن له الاحترام والتقدير.

وقالت ياسمين عز خلال برنامجها كلام الناس: لم أتطاول على الإعلامي أحمد موسى والكلام والتصريحات المنتشرة مفبركة مقولتهاش أساسا، وأنا بكنّ له كل الاحترام والتقدير، ولكن مين ورا الحكاية دي؟ ومين له مصلحة يكتب على لساني كلام متقالش؟ والناس اللي بتعمل شير للتصريح المفبرك دا مش بيتأكدوا من المعلومة؟ مش بتكلف نفسك تشوف لي فيديو قولت دا إمتى؟ 

وواصلت ياسمين عز: كان المفروض تعرفوا بسهولة إنه كدب ومتفبرك ودا لا أسلوبي وطريقتي؛ لأن الكياتة والملاك الأبيض دا ميقولش الكلام دا أبدًا، واللي كاتب التصريح دا ساقط في فنون الرد وبقول له لو عايز تتعلم تعالى نتسلى مع بعض ولكن مش على بعض، الكل عارف إني بحترم كل الزملاء ومش بقول الألفاظ دي وبتمنى التوفيق للجميع.

ياسمين عز: الراجل كائن جميل وبريء زي ما ربنا خلقه

وأضافت ياسمين عز: أنا عمري ما هتطاول على راجل وآجي عليه؛ لأنه أحلى شيء في الحياة وكائن بريء وجميل زي ما ربنا خلقه، وأحلى حاجة في الحياة أنك تكون مشغول بنفسك ومعندكش وقت تتكلم على حد غيرك، وعلشان تكون مبسوط لازم تركز على نفسك والحمد لله أن ربنا شغلني بنفسي مش بـ غيري.

ومن ناحية أخرى، سبق وأثارت ياسمين عز جدلا واسعًا بسبب تصريحاتها عن الفنانة شيرين عبد الوهاب، حيث أكدت في تصريحات تليفزيونية سابقة أنها فخورة بها بعد عودتها لـ زوجها حسام حبيب، قائلة: نجمة الدنيا طبقت كلامي بالمللي وبتقول له يا سي حسام، واعتذرت له قدام الوطن العربي كله، الله يرضى عليكي دنيا وآخرة.

تابع مواقعنا