السبت 02 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

صافيناز لـ القاهرة 24: محدش يقدر يتحرش بيا في حفلاتي.. لأن جمهوري نضيف وبيحترمني

صافيناز
فن
صافيناز
الجمعة 16/ديسمبر/2022 - 10:42 م

أكدت الراقصة صافيناز، أنها تواجه التحرش في حفلاتها من خلال بودي جارد وفرقة كبيرة مكونة من 25 فردًا، مشيرة إلى أن 90 % من جمهورها محترم ويحترمها.

وأضافت صافيناز لـ القاهرة 24: بدخل في شغلي معايا جارد شخصي، وحد شاطر وبروفيشنال، وبشتغل بفرقتي حوالي 25 فرد وكلهم رجالة كل دول واقفين في ضهري، محدش يقدر يفكر يقرب عندي.

وتابعت: في مصر النظرة للراقصات من الرجالة بتكون مش كويسة، لكن أنا الحمد لله جمهوري ناس نضيفة جدًا 90 في المية منهم محترمين، وبيحترموني فوق الخيال وبيحبوني جدًا، وبصراحة مشفتش من الجمهور إلا الاحترام، وعمري ما حصل إن حد عاوز يتحرش بيا أو حد مسكني من حتة، وممكن يكون حظي حلو.

وأردفت صافيناز: وأنا بتكلم مع الجمهور وبقول لهم كلنا هنتفرج وكلكم فوق دماغي، اتفرجوا بس، وبعرف أعمل كنترول في الأفراح والحفلات حتى لو فيه منهم مش محترم بيحترم نفسه، لأن ليا طريقة كده على المسرح.

من ناحية أخرى، كشفت صافيناز رأيها في عمليات التجميل، قائلة: كل الراقصات بتخضع لعمليات التجميل وده شيء جميل، وعندنا 99 في المية راقصات كلهم بيعملوا عمليات تجميل لأنها موضة، ممكن واحدة ولا اتنين مش عاملة لسه، وبالنسبة ليا لسه معملتش أي عمليات تجميل، لكن أحيانًا بيدور في دماغي أعمل عملية تجميل لكني بخاف جدًا فوق الوصف، تقريبًا مش هعمل علشان جبانة.

تابع مواقعنا