عمر كمال: أحمد شيبة صوت نادر في مصر.. وقريبًا أقدم أغنية مع شاكوش وبيكا
أعرب المطرب عمر كمال عن سعادته بالتعاون مع المطرب أحمد شيبة في أغنية جديدة تحمل اسم بغيب وبرجع، مؤكدًا أن الأخير يعتبر من أهم الأصوات الشعبية في مصر.
تفاصيل التعاون بين عمر كمال وأحمد شيبة
وكشف عمر كمال، في تصريحات خاصة لـ القاهرة 24، عن تعاونه مع أحمد شيبة في أغنية بغيب وبرجع، قائلًا: زي ما قدمت أغنية مع النجم الكبيرعبد الباسط حمودة بتشرف إني هشتغل مع أحمد شيبة، دول إخواتي الكبار وفي نجوم كتير هشتغل معاهم الفترة الجاية.
وأضاف عمر كمال أنه يعتبر أحمد شيبة من أهم الأصوات الشعبية في مصر، معلقًا: أحمد شيبة صوت مهم جدًا في مصر ومن الأصوات الشعبية اللي نادرًا لما بتيجي، يعني بتيجي كل سنين.
وعن أغنية بغيب وبرجع الذي ستجمعه مع أحمد شيبة، رد عمر كمال: أغنية في إطار شعبي والناس بتحب ده مننا، بنحكي عن الشارع والناس، وإن إزاي لما الإنسان يكون حاسس بانكسار يحول ده للقوة ويقف في حياته.
عودة عمر كمال لـ الغناء مع شاكوش وبيكا
وأكد عمر كمال أنه سيعود للغناء مع مغنيّ المهرجانات حسن شاكوش وحمو بيكا، قائلًا: إن شاء الله هنرجع مع بعض قريب وأعلنا على ده من شهرين بس مفيش حاجة نرجع بيها بالشكل اللي يليق بينا، يعني إحنا مش عايزين نعمل تراك وخلاص لأ إحنا بنجهز لشغل مختلف الفترة الجاية.
