ما لا تعرفه عن شريف عرفة في عيد ميلاده.. فوجئ به عادل إمام وأشاد به وحيد حامد
يحتفل المخرج شريف عرفة اليوم 25 من شهر ديسمبر الجاري بعيد ميلاده وفي هذه المناسبة نقدم بعض الجوانب من بدايات واحد من أكبر النجوم خلف الكاميرات في السينما المصرية الذي ترك بصمته فيها بأفلامه من أول تجربة له ومازال يمتع الجمهور حتى الآن.
ونسرد في السطور الآتية بمناسبة يوم ميلاد المخرج الكبير شريف عرفة بعض إشادات نجوم وصناع السينما المصرية به في بداياته وآرائهم فيه كمخرج شاب وقتها.
عادل إمام يشيد بالمخرج شريف عرفة في بدياته
وقال الزعيم عادل إمام في تصريحات تلفزيونية له عن المخرج شريف عرفة: أن رفضت فيلم لشريف عرفة قبل كده ولما جالي السيناريو قريته قلت أنا مش هعمل الفيلم ده وقات لمنتج الفيلم كان صديقي يعني فقلتله بلاش تعمل الفيلم ده عشان هيخسرك وبعدها شوفت الفيلم ده في فيديو كان إخراج أستاذ شريف عرفة واتفرجت لقيت حاجة مختلفة وريتم مختلف وشغل غير اللي قريته على الورق وعامل ريتم للموضوع وشغل جميل جدا يدل على موهبته الحقيقة اللي انا حسيت بيها واقتنعت جدا بيها وبعدها كلمني وحيد حامد علشان فيلم اللعب مع الكبار وكان بيقولي في مخرج جديد كده حسيت أنه هيقولي شريف عرفة وبالفعل أول ما قالي إنه من إخراج أستاذ شريف قلتله أنا موافق.
المخرج شريف عرفة يروي تفاصيل أول مقابلة بينه وبين وحيد حامد
وقال المخرج شريف عرفة في تصريحات تلفزيونية سابقة عن بداياته وعلاقته بالكاتب الراحل وحيد حامد: كلمني في التليفون وقالي تعالي لي بالفعل روحتله وقربت منه وكنت متردد طبعا لأني وقتها كنت لسة مخرج صغير وكده وهو الكاتب الكبير وحيد حامد حاجة كبيرة أوي بالنسبالي فقلتله صباح الخير يا أستاذ وحيد قالي ما تقوليش يا أستاذ وحيد قولي يا وحيد على طول وأنا ساعتها مفهمتش أوي يعني إزاي هعمل كده لكن انا دلوقتي فهمته وفهمت إنه كان بيقولي كده علشان كان عارف إن هيكون بينا حياة طويلة وأحلام طويلة ومشوار كبير من أهم الأفلام اللي عملتها في حياتي عملتها معاه وهو ليه فضل كبير أوي في تكويني وفي اسمي وهو أشاد بيا من وأنا صغير وشاف أحلامي فيا.
