بشرى: وضع التمثيل حاليًا مش أحسن حاجة.. وانتظروا أغنية أنا مشكلة قريبًا
كشفت الفنانة بشرى سبب ابتعادها عن الأعمال الفنية خلال الفترة الحالية، كما تحدثت عن أغنيتها الجديدة المقرر طرحها قريبًا.
بشرى تكشف سبب ابتعادها عن الأعمال الفنية
وأكدت الفنانة بشرى في تصريحات خاصة لـ القاهرة 24، أنها لن تشارك في أي أعمال فنية الفترة الحالية وذلك نظرًا لعدم استقرار وضع التمثيل، معلقة: وضع التمثيل حاليًا مش أعظم حاجة، عشان كدة أنا شايفة إننا نتبرع بوقتنا.. إننا نهتم بتطوير نقابتنا وتطوير كل ما هو حول النقابة.. وتطوير كل حاجة سواء ملفتنا أو أي حاجة ليها علاقة بنقابتنا.. والحقيقة بدعم ده جدًا وعشان كده في الوقت الفاضي اللي احنا فيه ده نظبط أمورنا لحد ما تيجي عروض جيدة للعمل عشان نشتعل بمزاج لأننا مش عارفين نشتغل بـ راحة.
أما عن أعمالها الغنائية، أشارت بشرى إلى أن أغنية أنا مشكلة من المقرر طرحها خلال الأيام المقبلة، قائلة: إن شاء الله خلال كام يوم تنزل أغنيتي الجديدة اسمها أنا مشكلة ودي الأغنية الثالثة من ألبومي الجديد حتة تالتة، ومتبقي كدا 10 أغاني هيتم طرحها خلال 2023.
أمنيات بشرى في عام 2023
وعلقت بشرى على حلول العام الجديد 2023 قائلة: يا رب سنة 2023 تكون أحسن من السنة اللي احنا فيها دي، ويا رب ينتشر الرخاء والاستقرار على العالم كله، وخصوصًا الاستقرار الاقتصادي والحروب تقل؛ عشان العالم والكوكب مش محتاج أكتر من كده.
