السبت 20 أبريل 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

ياسمين عز تنصح الزوجات: جوزك فرعون وأنتي نفرتيتي.. ولازم تقفي له انتباه

ياسمين عز
فن
ياسمين عز
السبت 31/ديسمبر/2022 - 07:04 م

وجهت الإعلامية ياسمين عز عددا من النصائح للزوجات بشأن التعامل مع أزواجهن بمناسبة رأس السنة 2023، مشيرة إلى أنها ستقدم موضوعات مختلفة في العام الجديد ونصائح أكثر.

وقالت ياسمين عز في برنامجها كلام الناس المُذاع عبر شاشة أم بي سي مصر: ياسمين عز: سنة كاملة مرت على برنامجي وياريت أكون عند حسن ظنكم وهقدم مواضيع جديدة في السنة الجديدة، وبقول للزوجات متبقيش زنانة ولا فتانة ومتخليش سيرتكم أنتي وجوزك لبانة والحاجة تطلبيها مرة واحدة فقط من جوزك، واللي بينك وبين جوزك ميطلعش برا حتى لو لـ مامتك، ولكن اللي بينك وبين العالم قوليه لـ جوزك لأنه الفرعون الكبير.

وواصلت ياسمين عز: إياكي ينادي عليكي ومترديش أو تكونوا متخانقين وتقومي سايباه وداخلة الأوضة ورازعة الباب في وشه لأنه غير مقبول، وبدل ما تلعبي في هدوم جوزك وتفتشيها حطي له بونبوناية أو ورقة فيها كلام حلو، تخيلي تروحي لـ جوزك وتحطيله في جيبك ورقة فيها طلبات ويلاقي كتباله مش محتاجين أي حاجة غير حسك في الدنيا مش متخيلة كم الأدرينالين اللي هيشع من وشه، مش بعيد يجبلك كل السوبر ماكت وهو جاي من البيت.

وأضافت ياسمين عز: بلاش تسأليه وهو نازل أنت رايح فين، الجملة دي لغوها، هيروح فين يعني؟  حسسيه أنك واثقة فيه وعنده مساحة شخصية ومش متراقب، وألعبي دور الأم في حياته وأدعي له دعوة حلوة، ربنا يخليك ويفتحها في وشك ويكفيك شر الناس المؤذية وربنا ياخد من الناس ويديك، ولو حصلت له حاجة حلوة عقله لا إراديا هيترجمها أنه بفضل دعوتك وهيتبارك بيكي، ولو اتخانقتكم سيبيه يزعق ومترديش والتزمي الصمت حطي نفسك على وضع الطيران لأن قلب الراجل مفيش أطيب منه.

 

واستكملت ياسمين عز حديثها، قائلة: لازم تكسبي حماتك وأخته، ودايما تصلحي علاقتك بيهم؛ لأنهم هيكونوا عون ليكي ويدافعوا عنك، خلي جوزك ودنه تسمع كلام حلو وكلامك يكون حاضر وأوامرك يا حبيبي وشكرًا، لأن حاضر بتريح وشكرا بتحسسيه بالتقدير والستات اللي بيقولوا شكرا هينقرضوا، وخليكي متجددة ودلعيه وغازليه بالكلام، ويبقى طالع أمير وراجع وزير بفضلك، ولما يقولك بلاش تكلمي حد تقولي له علم وينفذ لأنه عارف مصلحتك.

 

واختتمت ياسمين عز حديثها، قائلة: جوزك بينشن على الناموسة أحسن من أي لاعب جولف، ونصايحي دي هدية جوجل نفسه مش هيديهالك مش موجودة غير من الكتب اللي اتعلمت منها، الصوت الشتوي اللي نسيتيه بعد ما اتجوزتي، عايزاكي تستخدميه 24 ساعة والعيون النعسانة وضيقي عينيكي عشان يحس أنك بريئة؛ لأننا لو جمعنا بين الصوت الشتوي والعيون التشوية يا الله هتكون حياة فوق السعادة، الست ماجدة الرومي قالتله عيناك ليالي صيفية، هو الصيف وأنتي الشتا، لأن الراجل راجل لازم يكون صيفي وخشونة، إنما أنتي شتوي ودافيه، إنتي مصرية ونفرتيتي كليوباترا وفرعونة، وهو فرعون الكبير.

تابع مواقعنا