الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

رانيا يوسف: طول عمري بلبس مايوه ومش هتغير.. ومعرفش ليه بيقولوا عليا جريئة

رانيا يوسف
فن
رانيا يوسف
السبت 31/ديسمبر/2022 - 08:22 م

تحدثت الفنانة رانيا يوسف على الهجوم الذي تتعرض له باستمرار على مواقع التواصل الاجتماعي بسبب ملابسها التي وصفها البعض بالجريئة، مؤكدة أنها لن تغير من شخصيتها لإرضاء أحد.

وقالت رانيا يوسف في تصريحات تلفزيونية: معرفش ليه الناس بيقولوا أني جريئة، وأنا بنزل صوري بالمايوه لأني طول عمري بلبس شورت ومايوة مش هتغير عشان أرضي حد، ولو مش عاجباك متابعنيش، وبناتي بيقولوا لي خليكي براحتك وبحريتك ومتتغيريش، وواخدين مني قوة الشخصية بحكم اللي شافوه معايا.

وأضافت رانيا يوسف: أنا ممكن أكون بمليون راجل لأني بشتغل من وأنا 16 سنة وشايلة مسئوليات واتعودت أصحى الصبح أعمل كل حاجة، ومش مستنية حد يعمل لي حاجة، وكنت أتمنى أكون مدلعة، ولكن الدلع  فيه عيوب بردو لأن لو الشخص اللي معتمدة عليه دا راح الدنيا هتقع.

كما تطرقت رانيا يوسف للحديث عن أزمتها مع الفنانة غادة عبد الرازق بعد إعلان تصالحهما منذ فترة، قائلة:  بحمد ربنا أن محدش فاكر مشكلتي مع غادة عبد الرازق، لأني بنسى أي حاجة وحشة وشخصية متفائلة، وبفرض حسن النية في اللي قدامي، وغادة لها رصيد عالي عندي وبينا عشرة، ومش بنتفاهم على المستوى الفني ولكن أهدافنا واحدة على المستوى الإنساني وهي أصلها طيب وكريمة وست جدعة، وأحنا اتصالحنا من السوشيال ميديا لأننا بنعمل لبعض لايك ودايما بندعي لبعض ونتمنى الخير لبعض، واتقابلنا من فترة.

تابع مواقعنا