الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

أتمنى ابني يجيب مجموع ويدرس حقوق برة واكتئبت بعد وفاة والدتي.. أبرز تصريحات عمرو مصطفى

عمرو مصطفى
فن
عمرو مصطفى
الأحد 01/يناير/2023 - 04:42 م

حل الفنان عمرو مصطفى ضيفًا في سهرة غنائية على راديو نغم إف إم مع المذيعة مروة عمر، متحدثًا عن بداية مشواره الفني، وكواليس عدد من أغانيه وعلاقته بالعديد من الشعراء والموزعين، وخططه المستقبلية.

 

أبرز تصريحات عمرو مصطفى 

- أنا اللي اكتشفت نفسي وكانت البداية في فترة الإعدادي لما كنت بمسك القصائد ألحنها، وكنت بحفظها كأني بغنيها، وبابا قالي إني كنت بحلن من وأنا عندي سنة ونص 

- كنت ديمًا بحب أسمع موسيقى مختلفة، وبسمع ديمًا أجنبي لحد ما في فترة شدتني أغنية مختلفة لمحمد منير كان اسمها ليلة عودي تاني، ولأن الموسيقى لها أسرار وعلم حبيت العالم ده 

- من وأنا في تالتة كلية حقوق جامعة القاهرة.. ما اتخرجتش لحد الآن وأبنائي دلوقتي في مرحلة الجامعية أيضًا.

- عملت مع محمد منير أكثر من 12 أغنية زي البنات وعلشان يشبهلك يا مصر يا أم الدنيا يا أغلى الأوطان ويا غزال 

- معظم الناس اللي نجحت الفترة اللي فاتت كانت معتمدة على موسيقى loops مبرمجة بتؤدى للرقص، فعلشان كده بينجح ويبقى تريند، وده أشبه لموسيقى مايكل جاكسون 

- قررت أسافر بره وأدور على أداء جديد يجذب الناس 

- أغنية لما أنت بتوحشني لأنغام ووائل كفوري نزلت مش بأدائي ولا بالتكنولوجي أو الاستايل الجديد اللي أنا عملته 

- أم كلثوم كانت بتعمل 75 بروفة، وده سبب نجاح أغانيها لأن الأغنية كانت بتتنفذ صح 

- أغنية سيبوه عاملة تريند ومشاهدات 5 مليون ونص، وماكنتش أغنية هي كانت تجربة. 

- قعدت سنتين أحاول أعمل تجارب داخل الاستوديو عشان أقدر أغير لون الموسيقى بتاعتي دلوقتي أي أغنية هتسمعوها بعد كده هتلاقو ليها base وليها time معين. 

- الفكرة الل يعملتها هي الـ message song، وفيها بنزل أغنية لمدة دقيقة، وبشوف فيها ردود الأفعال وبعد كده لو عجبت الناس بنزلها 

- أغنية رقصة عملتها في تريكا والموزع اللي عملها ما بيعرفش يعمل غير بس rock.. أنا خليته يعمل مقسوم بيرقص، لأن ده كله علم، وبيتميز الشخص التركي إن ذوقه حلو في الأصوات وأصواته كبيرة، فلما عملتها بالشكل بتاعي معاه والبرمجة بتاعتي عملت حاجة مختلفة، ودلوقتي هي داخلة على 3 ملايين.

- بعد وفاة والدتي حصلي نوع من الاكتئاب وبعد شهرين روحت قضيت رمضان في إسبانيا.. كنت بلاقي ناس كتير توقفني وتقولي في رمضان.

- أغنية القضية الفلسطينية لمى فاروق بتثبت نظريتي إنك تقدر تعمل أغنية قوية لما تقدر توظف العوامل كلها سواء الموسيقى والآلات وصوت المطرب

- الشاعر أمير طعيمة صديق من الشخصيات اللي كملت معايا مشواري، وهو شخصية زي الشخصيات الأجنبية في المعاملة 

- نفسي ناخد بإيد الشباب، لأن ده الوقت اللي تاخد فيه بإيد المطربين الشباب وتعرفهم الخبرة 

- أنا هركز مع عمرو مصطفى الخمس سنين الجايين والدقيقة عندي مهمة عشان أطلع فيها إنتاج، وهطلع صوت مطرب أو مطربة الفترة الجاية، الحاجة التانية إني مش هشتغل للقديم خالص غير بشروط قوية وكبيرة جدًا 

- عايز أطلع شعراء جداد وموزعين بس هينفذوا أفكاري فقط لأني محتاج أجيب خبرة من الخارج لهنا عشان ابتدي أعلمهم.. يعني الموزعين اللي هتبناهم الفترة الجاية مش هكتب أسمائهم على الأغاني هم هينفذوا أفكاري فقط، وده اللي كان بيحصل مع الموزعين اللي كانوا بيشتغلوا معايا من قبل كده 

- أقول لكل النسا كل سنة وأنتم طيبين وجيبت موبايل جديد مش كاتب فيه أي أسماء وأي حد بيكلمني بيسأل عليا بسجله 

- أنا محتاج مفاجأة السنة دي إن ابني يجيب مجموع كبير ويدرس حقوق بره 

- محتاج أكافئ نفسي السنة دي لأني تعبت جدًا 

تابع مواقعنا