رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

المخرج محمد ياسين: مستحيل مسلسل الجماعة 3 يكمل بمؤلف غير وحيد حامد | خاص

المخرج محمد ياسين
فن
المخرج محمد ياسين ووحيد حامد
الإثنين 02/يناير/2023 - 07:58 م

كشف المخرج محمد ياسين مصير الجزء الثالث من مسلسل الجماعة، الذي جمعه بالكاتب الراحل وحيد حامد، في ذكرى وفاته الثانية.

وقال محمد ياسين في تصريح خاص لـ القاهرة 24: الجماعة كان عمل شاق جدًا واشتغلنا عليه فترة طويلة، ومستحيل العمل يكمل بمؤلف تاني غير وحيد حامد، ومفيش منتج طلب مني أعمل الجزء الثالث مع مؤلف تاني، العمل مش ملكي أنا عشان أتصرف فيه ده ملك وحيد حامد، وهو مش مجرد كاتب وصديق هو كان قيمة كبيرة جدًا في حياتنا.

وأوضح ياسين طبيعة علاقة المخرج والسيناريست بينه وبين وحيد حامد، قائلًا: هو كان عنده وعي عشان أشتغل مع أجيال متعددة بدءً من مخرجين يحملوا خبرات أكبر منه شخصيًا لمخرجين من جيله وأصغر منه، وهو كان عنده قدر من الوعي والفهم والإخلاص اللي تخليه يتعامل بمهنية في الشغل، وكان فاهم العلاقة بين المخرج والمؤلف، حتى اختلافاتنا كانت فنية بحتة وفي صالح العمل.

وعن أفضل الأشياء في شخصية وحيد حامد، قال المخرج محمد ياسين: أنا مفتقد كل شيء جمعني به ومفتقد جلساتنا واتصالاتنا وشغلنا والعلاقة الحميمية اللي بيتعامل بها مع النص، وإنه بيقف في ضهر عمله ومخرجه في كل لحظة ومقتنع اقتناع كامل بقيمة المخرج اللي ارتضى يشتغل معاه، وكنا طول الوقت في حالة دفاع عن مشروعنا.

مسلسل الجماعة

حقق مسلسل الجماعة نجاحًا كبيرًا في الجزئين، وضم عدد كبير من النجوم أبرزهم، إياد نصار، أحمد الفيشاوي، أحمد راتب، أحمد مالك، عبد الرحمن أبو زهرة، أحمد عزمي، أحمد خليل، وغيرهم.

تابع مواقعنا