الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

مبالغ طائلة دون نتيجة.. مواطنون يتهمون الطبيب حاتم نعمان بالنصب عليهم| صور

الطبيب حاتم نعمان
سياسة
الطبيب حاتم نعمان
الأربعاء 04/يناير/2023 - 10:50 ص

دشن مستخدمون على موقع التواصل الاجتماعي فيس بوك، مجموعة تحت اسم ضحايا الدكتور حاتم نعمان، يروون خلالها تجاربهم في تلقي العلاج من خلال المركز المملوك للطبيب مقدم البرامج الطبية على عدد من المحطات الفضائية.

 مواطنون يتهمون الطبيب حاتم نعمان بالنصب عليهم

أحد المشاركين في المجموعة ويدعى محمد حسين قال: كشفت عند دكتور حاتم نعمان يوم 14\5 وكنت بعاني من السمنة.. حدد لي 10 جلسات بتكلفة 12 ألف جنيه.. وفعلا أخدت الجلسات بالأجهزة الفاشلة اللي عنده زي الكرايو والسبايدر والكابيتاشن وغيرهم وحقن الميزوثيرابي.. وللأسف بدون أي نتيجه تذكر.

 مواطنون يتهمون الطبيب حاتم نعمان بالنصب عليهم

وأضاف: لما خلصت جلسات يوم 28\6 قلت للدكتور مش دي النتيجة اللي احنا اتفقنا عليها.. لاقيته كاتبلي على جلسات تاني ب 12 ألف جنيه.. رفضت طبعًا وقولتله مش لوكنت لاقيت اي نتيجه اصلا من الجلسات اللي فاتت ابقى اخد جلسات تاني.. قالي اصبر بعد العيد الكبير هتلاقي النتيجه اللي انت عايزها.

 مواطنون يتهمون الطبيب حاتم نعمان بالنصب عليهم

 مواطنون يتهمون الطبيب حاتم نعمان بالنصب عليهم

وتابع: ومن بعد العيد وانا بتصل بالمركز وبأحمد عطيه اللي ماسكله المركز.. ومحدش عايز يديني ميعاد للمتابعه مع إني دافع ثمن المتابعه دي مقدما.. بس واضح انهم حسوا انهم مش هياخدوا مني فلوس تاني فسابوني علشان يفضوا للضحايا التانية خلاصة الكلام إنهم بياخدوا فلوس كتير ويضحكوا عليك بأجهزة فاشلة وللأسف مابيدوش فواتير ولا أي حاجة تقدر تشتكيهم بيها  محترفين فإحذروهم..وحسبي الله ونعم الوكيل.

 مواطنون يتهمون الطبيب حاتم نعمان بالنصب عليهم

بينما قال آخر يدعى محمود أبو الدهب: حسبي الله ونعم الوكيل دكتور فاشل عملت عنده جلسات لابنى دفعت 12 ألف جنيه غير العلاج وبعد لما خلصت جلسات أنا مش شايف نتيجة، يقولي لا ابنك خس طيب فين مفروض يبان عليه.

وأضاف: لقيته طالب مني جلسات تاني 12 ألف جنيه ولما رفضت وطلبت أقابله رفض إلا لما أعمل الجلسة روحت تاني وطلبت أقابله أحمد قالي إنه مسافر وأنا دافع تمن المتابعة لابنى ربنا ينتقم منه، حسبي الله ونعم الوكيل أنا معايا الورق كله بتاع المتابعة والجلسات.

وتحدثت سيدة من الضحايا قائلة: أنا كنت بروح عنده وهو طبعا بياخد الفلوس مقدم والجلسه ب200 جنيه عملت 18 جلسة والمفروض إن خلاص قربت أخلص الجلسات مع رجيم قاسي، وآخر مرة كان آخر اثنين في رمضان من ثلاث سنوات وكان فيه حظر تجول وكنت رايحة مواصلات وكان اليوم الساعة 4 ومجاش والله العظيم.

وتابعت: أنا ربنا سترها معايا ولحقت آخر عربية من بفرلي هلز للدائري يادوبك نزلت وبدا حظر التجول واتصلو بيا الدكتور كلسن ليه بقا عشان أنا اتعصبت إنه مجاش ومش هلحق المواصلات وكنت كل لما بروح يوم الاثنين مكنتش بشوف الناس اللي بتيجي معايا، عشان أي حد يتكلم إنه مجاش بيكلسن واليوم ده بالذات كانوا اتنين بنت وولد كانوا اشتغلوا عنده ومرضيش يديهم حسابهم والله العظيم على ما أقول شهيد، ومش مسمحاه في فلوس المتابعة.

تابع مواقعنا