السبت 27 أبريل 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

مليش في الممنوعات.. ننشر أقوال منة شلبي في اتهامها بحيازة المخدرات قبل بدء محاكمتها | تحقيقات

منة شلبي
حوادث
منة شلبي
الخميس 05/يناير/2023 - 09:59 ص

كشفت تحقيقات النيابة العامة في قضية الفنانة منة شلبي المتهمة بحيازة مخدرات، والمحالة للمحاكمة الجنائية، فيما أُسند إليها من إحرازها جوهر الحشيش المخدِّر بقصد التعاطي في غير الأحوال المصرَّح بها قانونًا، أنها كانت في مدينة نيويورك لحضور مهرجان فني.

ونفت شلبي في التحقيقات أن يكون بحوزتها عند العودة من الولايات المتحدة، موادا مخدرة أو ممنوعات. 

ومن المقرر أن تنظر محكمة جنايات القاهرة اليوم الخميس، أولى جلسات محاكمة الفنانة الشهيرة، في اتهامها بحيازة وتعاطي المخدرات.

 

تحقيقات قضية منة شلبي


س: ما قولك فيما هو منسوب إليكيِ من أنكِ متهمة بحيازة جواهر مخدرة بقصد التعاطي في غير الأحوال المصرح بها قانونيا؟
ج: محصلش.

س: ما الذي حدث إذًا.. وما هي ظروف ضبطك وإحضارك؟

ج: حصل إن أنا كنت مسافرة نيويورك عشان أحضر مهرجان إنتر ناشونال أمي أورد، ووصلت مطار القاهرة وعديت على الجمارك وأنا خارجة، وكان معايا 3 شنط والدنيا كانت زحمة وأنا حطيت الشنط اللي معايا على السير عشان يتشاف فيها إيه، ولقيت واحد من اللي واقفين في الجمرك بيقولي معاكي فيب سيجارة إلكترونية، فأنا قلتله إني أنا بدخن فيب، وكنت بفتح الشنطة عشان أوريله الفيب، فلقيت واحد تاني جه وقالي إحنا هنفتح بقية الشنط نشوفها، وأنا وافقت وقلتله اتفضل وقعد يقلب في الشنط، وبعدين جه واحد تالت كان بيتفتش معاهم وأنا طلعت الفيب السجائر الإلكترونية، وواحد منهم قالي ممكن تقعدي شوية ووداني أوضة في الجمارك قعدت فيها شوية، والشنط كانت معاهم في الوقت ده، وبعد شوية لقيت ناس كتير وظباط مطلعين علبة ميكاب لونها أخضر، بيقولولي إن دي فيها ماريجوانا فقلتله مفيش الكلام ده مش صح، وده ميكاب عادي فلاقيته بيقولي معاكي كوكايين، قلتله أنا مش بشرب الحاجات دي أصلا مليش في الممنوعات، وبعدين قالولي طيب استني شوية، وبعدين أنا بقيت سامعة كلام كتير بره، وبعد ساعتين تلاتة لقيتهم بيقولولي اطلبي المحامي بتاعك، فبقولهم إيه اللي حصل قالولي انتي معاكي ماريجوانا، وبعدين قالي انتي هتتعرضي على جهات التحقيق، وبعدين وأنا قاعدة، لقيت أخبار نازلة إني مقبوض عليّا ومعايا مخدرات، وفضلت هناك لما جيت هنا، واتعرضت على جهات التحقيق.

أقوال منة شلبي في التحقيقات  

س: متى وأين حدث ذلك؟
ج: الكلام ده حصل الساعة الـ10:30 صباحا بمطار القاهرة الدولي.

س: ما سبب ومناسبة تواجدك بالمكان والزمان أنفي البيان؟
ج: أنا كنت راجعة من رحلة سفر من نيويورك من مهرجان كنت بحضره هناك.

س: من كان برفقتك آنذاك؟
ج: أنا كنت راجعة لوحدي.

س: ومن القائم بضبطك تحديدا؟
ج: أنا معرفش مين قبض عليا بس هو زي ما قلت بداية الموضوع كان في الجمارك وكان ناس واقفة في الجمارك.

س: هل من ثمة حوار دار بينك وبين سالف الذكر؟
ج: نعم.

س: ما مضمون ذلك الحوار؟
 ج: هما سألوني معاكي سجاير إلكترونية قلتلهم آه، ورجعوا سألوني معاكي كوكايين قلتلهم لا مش معايا الحاجات دي.

س: هل قام أحد بتفتيشك؟
ج: اه فيه واحدة بنت في المطار فتشتني بس معرفش اسمها.

س: ما الذي أسفر عنه ذلك التفتيش؟
ج: لا مكنش معايا حاجة.

س: ما قولك فيما ثبت بمحضر الجمرك رقم 255 لسنة 2022 الساعة الـ 12 مساء؟
ج: محصلش.

س: وهل توجد ثمة علاقة أو خلافات بينك وبين سالف الذكر؟
ج: لا.

تابع مواقعنا