حسن شاكوش: جمعني خلاف عائلي مع عمر كمال وبيكا.. وأعتبرهم الباك الشمال واليمين بتوعي
كشف مطرب المهرجانات الشعبية حسن شاكوش، حقيقة خلافه مع عمر كمال وحمو بيكا خلال الفترة الماضية بعد نجاحهما سويا في العديد من الأعمال الفنية.
وقال حسن شاكوش، في تصريحات تلفزيونية: مفيش مشاكل تجمعني مع حمو بيكا وعمر كمال ولو كان في حاجة كانت مشاكل عائلية، وطول الوقت بقول في أي لقاء عمر كمال وبيكا دول الفردتين بتوعي زي باك اليمين وباك الشمال.
وتابع شاكوش: مقدرش استغنى عن عمر كمال وحمو بيكا لأن هناك عيش وملح وشغل كتير بينا فوق 35 أغنية مع بعض وأتمنى ليهم النجاح.
أتمنى العمل مع هيفاء وهبي
وأكد حسن شاكوش مؤخرًا، في لقاء تلفزيوني: أنه يتمنى التعاون مع عدد كبير من الفنانين ولكن أبرزهم الفنانة هيفاء وهبي، معلقًا: هيكون شرف كبير ليا إني أقدم معاها ديو.
أعمال حسن شاكوش
وتعد أغنية حنيلي، آخر أعمال حسن شاكوش، التي حققت إشادات واسعة وطرحها مؤخرًا عبر قناته الرسمية بموقع الفيديوهات الشهير يوتيوب.
وتقول كلمات أغنية حنيلي لـ حسن شاكوش مما يلي: حنيلي بصيلي، يا شفايفك الطازة أنتي على الفرازة، الحلوة الفلته جنه الحته، وقوامها مشدود يخبل العود العود، الليلة حبيت بالعشق حسيت، أما اللي هجرني كان ماضي ونسيت، حطالي مسكرة ضحكتها مسكرة، البت العسل وحدودها مدورة، الخطة الأكيد انك دي حماتي وانا هطلب إيديك وعاوزك مراتي.. الحلوة بطوطة طعمة بسكوته من غير مكياج أمورة وكيوته.
